Ուկրաինայի ապագա առաջին լեդին կես գնով պենթհաուս է գնել

Ուկրաինայի ընտրված նախագահի տիկին Ելենա Զելինսկայան 2013 թվականի ապրիլին Ղրիմում էլիտար բնակարան է գնել՝ արժեքի կեսով։ Զելինսկայան այդ բանակարանը գնել է Ուկրաինայի Գերագույն Ռադայի նախկին պատգամավոր, գործարար Ալեքսանդր Բուրյակից։

Ինչպես հաղորդում է Reuters լրատվական գործակալությունը, երեք սենյականոց բնակարանը, որը ձեռք է բերել Զելինսկայան, գտնվում է «Իմպերատոր» էլիտար բնակարանային համալիրում, Սեւ ծովի ափին։ Մեկ քառակուսի մետրի համար վճարել է 1263 դոլար, ընդհանուր արժեքը կազմել է 163,8 հազար դոլար։ Սա այն դեպքում, երբ 2012 թվականին «Իմպերատոր» համալիրում մեկ քառակուսի մետր բնակմակերեսի արժեքը եղել է 3,5-4 հազար ԱՄՆ դոլար, ըստ domik.ua-ի իսկ նվազագույն արժեքը այդ տարի կազմել է 2,8 հազար դոլար։

 Ուշագրավ է այն, որ ղրիմյան անաշարժ գույքի մասնագետներից մեկը Reuters-ին հայտնել է, որ նույն 2013-ին մեկ քառակուսի մետր բնակմակերեսը նույն համալիրում վաճառվել է 2,5-3 հազար դոլարով ու հիմա անհասկանալի է, թե ինչպես է հաջողացրել Ելենա Զելինսկայան այդքան էժան գնել էլիտար բնակարանը։ Reuters-ը այս հարցի պատասխանը գտնել չի կարողացել։ Դիմել է նաեւ տեր եւ տիկին Զելինսկիներին, սակայն ոչ Ուկրաինայի ապագա նախագահը, ոչ նրա տիկինը չեն արձագանքել հարցմանը։ Ուշագրավ է այն, որ այս տարվա ապրիլին Prichal 82 գործակալության միջոցով տիկին Զելինսկայան այդ բնակարանը հանել է վաճառքի՝ 790․7 հազար դոլարով կամ մեկ քառակուսի մետրի դիմաց՝ 5195 դոլար պահանջելով, ինչը իր գնած գնից ավելի քան չորս անգամ ավելին է։

Այս թեմայով Եվրոպայի ապագայի լավագույն երաշխիքը կլինի Ուկրաինայի արագացված անդամակցությունը ԵՄ-ին. Զելենսկի Զելենսկին Քիշնևի օդանավակայանում կանգառի ժամանակ հանդիպել է Թրամփի պատվիրակների հետ Զելենսկին կոչ է արել աջակցել Հայաստանին Զելենսկին խոստացել է, որ «Դրուժբա» նավթատարը մինչև ապրիլի վերջ կսկսի գործել Ռուսներն առաջիկա ամիսներին Ուկրաինայի ջրամատակարարման համակարգերի դեմ գործողություն են նախապատրաստում․ Զելենսկի