Վենեսուելայում շարունակվում են բողոքի զանգվածային ակցիաները
Վենեսուելայում շարունակվում են զանգվածային բողոքի ակցիաները՝ նախագահ Նիկոլաս Մադուրոյի հրաժարականի պահանջով:
Միացյալ Նահանգների և ավելի քան հինգ տասնյակ այլ երկրների կողմից Վենեսուելայի լեգիտիմ նախագահ ճանաչված Խուան Գուայդոյի առաջնորդած բողոքի ակցիաների տասնյակ մասնակիցներ վնասվածքներ են ստացել ոստիկանների հետ բախումների ժամանակ:
Ապրիլի 30-ին Գուայդոն հայտարարել է իշխանափոխության վերջին փուլի մեկնարկի մասին: Ընդդիմադիր առաջնորդի՝ խաղաղ ցույցերին միանալու կոչին հետևել են տասնյակ հազարավոր վենեսուելացիներ:
Ռուսաստանի, Իրանի, Չինաստանի, Կուբայի դաշնակից Մադուրոն բողոքի ցույցերն անվանել է պետության դեմ ոտնձգություն և սպառնացել պատասխանատվության ենթարկել հանցավորներին: Վենեսուելայի առաջնորդը ենթականերին և աջակիցներին նաև խոստացել է չընկրկել:
Ամերիկյան իշխանությունները պնդում են, որ հարավամերիկյան երկրի նախագահը երեքշաբթի առավոտյան պատրաստ էր լքել Վենեսուելան, բայց վերջին պահին դաշնակից Ռուսաստանը նրան ետ է պահել այդ քայլից: Այս մասին CNN-ի եթերում հայտարարել է Միացյալ Նահանգների պետքարտուղար Մայք Փոմփեոն:
Ռուսաստանը, որը Վենեսուելան համարում է իր կարևոր գործընկերը ռազմական, ռազմատեխնիկական համագործակցության ոլորտում, իսկ վերջին տարիներին էլ միլիարդավոր դոլարներ է ներդրել այդ երկրի նավթային ենթակառուցվածքներում, կտրականապես հերքում է Փոմփեոյի պնդումները: Փախուստի մասին Վաշինգտոնից հնչող հայտարարությունները կեղծ է որակել նաև Մադուրոն:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...