Բոլթոնը Թրամփին դրդում է ներխուժել Վենեսուելա
ԱՄՆ նախագահ Դոնալդ Թրամփն այնքան էլ չի ձգտում ռազմական գործողություն իրականացնել Վենեսուելայի տարածքում, բայց դրան դրդում է նրա ազգային անվտանգության գծով օգնական Ջոն Բոլթոնը։ Այս մասին տեղեկացրել է The Washington Post թերթը՝ հղում կատարելով ԱՄՆ նախագահի գործող եւ նախկին օգնականներին, տեղեկացնում է ՏԱՍՍ-ը։
Նրանց տեղեկատվությամբ՝ Թրամփը «մեծ ցանկություն չունի ներխուժել Վենեսուելա»՝ սահմանափակվելով պատժամիջոցների հետեւողական խստացմամբ հանրապետության զինված ուժերի, ինչպես նաեւ Կուբայի հանդեպ։ Օգնականների հետ խոսակցության ժամանակ, նշում է թերթը, Թրամփը երբեմն ասել է, որ Բոլթոնը ցանկանում է իրեն ներքաշել Վենեսուելայի հետ պատերազմի մեջ։ Թերթի աղբյուրները նաեւ վստահություն են հայտնել, որ նախագահը հազիվ թե թույլ տա «երկարատեւ ռազմական գործողություններ իրականացնել» այդ երկրում։ Միեւնույն ժամանակ, պարբերականի աղբյուրներն ասել են, որ պետության ղեկավարը Բոլթոնին լայն լիազորություններ է տրամադրել Վենեսուելայի հետ կապված։
Պարբերականը նշել է, որ անցած շաբաթ Սպիտակ տան ճեպազրույցներից մեկի ժամանակ Բոլթոնի օգնականները ԱՄՆ Զինված ուժերի շտաբների պետերի կոմիտեի փոխնախագահ, գեներալ Փոլ Սելվայից քանիցս պահանջել են ճգնաժամը կարգավորել ռազմական ճանապարհով։ Ինչպես նշում է թերթը, սովորաբար հարգալից գեներալը զայրացել է շփման նման «առճակատումից» եւ բռունցքով հարվածել է սեղանին այնպիսի ուժով, որ ձեռքի մատանին ճեղքել է սեղանը։ Ճեպազրույցը անմիջապես դադարեցվել է, երկու կողմերը միմյանցից դժգոհ են մնացել։
ԱՄՆ պետքարտուղար Մայք Պոմպեոն չորեքշաբթի ասել է, որ ԱՄՆ-ը կարող է ռազմական գործողություն իրականացնել Վենեսուելայում, եթե նման անհրաժեշտություն առաջանա։ Ինչպես ավելի վաղ պնդում էր Բոլթոնը, Միացյալ Նահանգները կոչ է անում Վենեսուելայի նախագահ Նիկոլաս Մադուրոյին հաշվի առնել ընդդիմության դեմ ուժի կիրառման պարագայում, որ Վաշինգտոնը դիտարկում է պատասխան գործողությունների բոլոր տարբերակները։
Երեքշաբթի Կարակասում եւ Վենեսուելայի մյուս քաղաքներում ներկա պահին տեղի են ունենում հակակառավարական ցույցեր, որոնք սկսվել են այն բանից հետո, երբ զինվորականների մի խումբ հարել է ընդդիմության առաջնորդ Խուան Գուայդոյին։ Դրանից մի քանի ժամ առաջ նա Թվիթերում հրապարակել էր տեսադիմում, որում կոչ էր արել զինվորականներին դուրս գալ փողոց, որպեսզի «վերջ տրվի իշխանության բռնազավթմանը»։ Ըստ Գուայդոյի՝ տեսանյութը նկարահանվել է Կարակասի Ֆրանսիսկո Միրանդայի անվան ավիաբազայի տարածքում։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...