Նյու Յորքում բանտարկյալներին անվճար հեռախոսազանգեր կատարելու հնարավորություն է տրվել
ԱՄՆ Նյու Յորք քաղաքում բանտարկյալներին այսուհետև կթույլատրվի երկրի սահմանների ներսում անվճար հեռախոսազանգեր կատարել: Այս մասին տեղեկանում ենք Նյու Յորքի քաղաքապետ Բիլ դե Բլազիոյի պաշտոնական կայքից:
«Անազատության մեջ գտնվող անձինք շատ հաճախ ամենասովորական իրավիճակներում խոչընդոտների են բախվում: Անվճար հեռախոսազանգերի շնորհիվ մենք վերացնում ենք այդ խոչընդոտներից մեկը և բանտարկյալների համար փաստաբանների, ընտանիքի անդամների և աջակցող կազմակերպությունների հետ կապ հաստատելու հնարավորություն ենք ապահովում, ինչն առանցքային դեր ունի պատիժը կրելուց հետո նրանց՝ կրկին հասարակության լիարժեք անդամներ դառնալու գործում»,- պարզաբանել է քաղաքապետը:
Հաղորդագրության մեջ նշվում է, որ նախկինում բանտարկյալները հնարավորություն ունեին անվճար զանգահարելու միայն դատապաշտպաններին: Մյուս հեռախոսազանգերի առաջին մեկ րոպեն 50 ցենտ արժեր, այնուհետև յուրաքանչյուր րոպեի դիմաց 5 ցենտ էր գանձվում:
Նյու Յորքի բանտերում ավելի քան 8000 բանտարկյալ կա, որոնք օրական 25 հազարից ավելի հեռախոսազանգեր են կատարում, ինչը տարեկան շուրջ 5,5 մլն դոլար էր բերում քաղաքի գանձարանին:
Հաղորդվում է, որ այժմ այդ ծախսերն իր վրա կվերցնի ուղղիչ գաղութների քաղաքային վարչությունը: Բանտարկյալներին յուրաքանչյուր 3 ժամվա համար հեռախոսով 21 րոպե անվճար խոսելաժամանակ կտրամադրվի, ընդ որում՝ մեկ զանգի տևողությունը չի գերազանցի 15 րոպեն:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...