Կիևում ռուսական անձնագրեր ստացող ուկրաինացիներին սպառնում են զրկել քաղաքացիությունից
Ուկրաինայի ժամանակավորապես շրջափակված տարածքների հարցերով նախարարի տեղակալ Յուրի Գրիմչակը հայտարարել է, որ Դոնբասի՝ Կիևի վերահսկողությունից դուրս գտնվող տարածքների բնակիչներին ՌԴ անձնագրեր ստանալու համար պետք է զրկել ուկրաինական քաղաքացիությունից:
Ինչպես նշում է 5.ua-ն, պաշտոնյան մանրամասնել է, որ Ուկրաինայի սահմանադրությունը քաղաքացիներին իրավունք է տալիս միայն մեկ երկրի անձնագիր ունենալ:
«Ուստի նրանք, ովքեր կստանան կամ արդեն ստանում են Ռուսաստանի Դաշնության քաղաքացիություն, կարող են կորցնել Ուկրաինայի քաղաքացիությունը»,-ասել է տեղակալը:
Գրիմչակի համոզմամբ՝ պարզեցված կարգով ռուսական անձնագրերի տրամադրումը, ըստ ամենայնի, կթեթևացնի «այսպես կոչված Դոնեցկի և Լուգանսկի Ժողովրդական Հանրապետությունների գրոհայինների կյանքը», ինչն էլ ռուսական իշխանությունների նպատակն է:
Ըստ պաշտոնյայի՝ ռուսական քաղաքացիության տրամադրման արդյունքում Մոսկվան ապագայում հիմքեր կունենա հայտարարելու, որ Ուկրաինայի արևելքում պաշտպանում է իր քաղաքացիներին: Բացի այդ, հիշյալ ինքնակոչ հանրապետությունների ղեկավարները, ՌԴ քաղաքացիություն ստանալով, կկարողանան ապագայում Ուկրաինայի տարածքում խուսափել քրեական հետապնդումից:
Ինչպես ավելի վաղ հայտնել էր tert.am-ը, Ռուսաստանի Դաշնության նախագահ Վլադիմիր Պուտինը մայիսի 1-ին հրամանագիր է ստորագրել, որը վերաբերում է օտարերկրյա քաղաքացիների այն կատեգորիաներին, որոնք իրավասու են դիմել պարզեցված կարգով ՌԴ քաղաքացիություն ստանալու համար: Ըստ հրամանագրի՝ պարզեցված կարգով ՌԴ քաղաքացիություն ստանալու հնարավորությունը տարածվում է որոշակի կատեգորիայի ուկրաինացիների վրա:
Հայտնի է, որ Ուկրաինայի արտգործնախարարությունն այս առնչությամբ իր բողոքն է հայտնել ու ռուսական կողմից պահանջել չեղարկել որոշումը: Կիևը բողոքի նոտա է հղել ՌԴ ԱԳՆ-ին:
Ավելի ուշ Ուկրաինայի նորընտիր նախագահ Վլադիմիր Զելենսկին առաջարկել է ռուսներին ուկրաինական քաղաքացիություն տրամադրել: Պուտինը ողջունել է առաջարկն ու ընդգծել, որ եթե Կիևը քաղաքացիություն տա ռուսներին, իսկ Մոսկվան՝ ուկրաինացիներին, ապա արդյունքում երկու պետությունների բնակիչներն ընդհանուր քաղաքացիություն կունենան, և դա երկու կողմի համար էլ շահեկան կլինի:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...