Մադուրոն հայտարարել է, որ պետական հեղաշրջման փորձն ուղղորդել է անձամբ Բոլթոնը, և ԱՄՆ-ին կոչ արել նրա դեմ հետաքննություն սկսել
Միացյալ Նահանգները պետք է հետաքննի երկրի նախագահ Դոնալդ Թրամփի ազգային անվտանգության հարցերով խորհրդական Ջոն Բոլթոնի գործողությունները, որոնք ուղղված են եղել ապրիլի 30-ին Վենեսուելայում պետական հեղաշրջում իրականացնելուն:
Ինչպես նշում է ria.ru-ն, այս մասին Կարակասում տեղի ունեցած հանրահավաքի ժամանակ հայտարարել է Վենեսուելայի նախագահ Նիկոլաս Մադուրոն:
«Եվրոպական պարբերականներից մեկում մի հրապարակում եմ կարդացել, որում գրված է հետևյալը՝ Բոլթոնը լուսադեմից առաջ համակարգել է պետական հեղաշրջման ամբողջ գործողությունը, զանգահարել է Կոլումբիայի, Չիլիի, Բրազիլիայի, Արգենտինայի կառավարություններին»,-ասել է Մադուրոն՝ ընդգծելով, որ պետական հեղաշրջման փորձն անձնապես Սպիտակ տնից ուղղորդել է Բոլթոնը:
«Եվ ես խնդրում եմ, որ Միացյալ Նահանգները հետաքննի ապօրինի գործողություններն ու Ջոն Բոլթոնի՝ Վենեսուելայի ժողովրդավարության դեմ ուղղված պետական հեղաշրջումը»,-հավելել է երկրի նախագահը:
Աղբյուրը հիշեցնում է, որ ապրիլի 30-ին ընդդիմությունը փորձել է հեղաշրջում անել Վենեսուելայում: Դրա առաջնորդ Խուան Գուաիդոն, որն իրեն երկրի ժամանակավոր նախագահ է հռչակել, իր աջակիցների հետ հավաքվել է Կարակասի «Կառլոտա» ռազմաբազայի մոտ, որտեղ ընդդիմադիր գործիչը ռազմական ընդվզման կոչ է արել և երկրի ժողովրդին, բանակին խնդրել դուրս գալ փողոցներ ու ավարտին հասցնել Մադուրոյին պաշտոնանկ անելուն ուղղված «Ազատություն» գործողության վերջին փուլը:
Սակայն Վենեսուելայի գորժող իշխանությունները հայտարարել են, որ զինված ուժերը շարունակում են հավատարիմ մնալ իրենց, և որ պետական հեղաշրջման փորձը ձախողվել է:
Հիշեցնենք,որ հունվարի 21-ից Վենեսուելայում շարունակվում են հակակառավարական զանգվածային բողոքի ցույցերը, որոնց մասնակիցները պահանջում են Մադուրոյի հրաժարականը: Գուաիդոյին իրենց աջակցությունն են հայտնել տասնյակ լատինամերիկյան, եվրոպական պետություններ, ինչպես նաև ԱՄՆ-ն: Մինչդեռ Ռուսաստանը, Չինաստանը, Թուրքիան և մի շարք այլ երկրներ որպես օրինական նախագահ աջակցում են Մադուրոյին:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...