Կուբայի ԱԳ նախարարը Բոլթոնին անվանել է «պաթոլոգիկ ստախոս»
Կուբայի ԱԳ նախարար Բրունո Ռոդրիգեսը երեքշաբթի ԱՄՆ նախագահի ազգային անվտանգության հարցերով խորհրդական Ջոն Բոլթոնին անվանել էր «պաթոլոգիական ստախոս», փոխանցում է «ՌԻԱ Նովոստի»-ն:
«ԱՄՆ նախագահի ազգային անվտանգության հարցերով խորհրդական Բոլթոնը պաթոլոգիական ստախոս է, որը նախագահ Թրամփին ապատեղեկացնում է: Վենեսուելայում չկան ո՛չ կուբայական զորքեր, ո՛չ կուբացիներ, որոնք մասնակցում են ռազմական եւ անվտանգության գործողությունների: Կա միայն բժշկական անձնակազմ հումանիտար առաքելությամբ: Ես վճռականորեն մերժում եմ Թրամփի լիակատար շրջափակման սպառնալիքը»,- նշել է Ռոդրիգեսն իր Twitter-յան միկրոբլոգում:
Ավելի վաղ ԱՄՆ նախագահ Դոնալդ Թրամփը Կուբային սպառնացել էր «ամենաբարձր մակարդակի» պատժամիջոցներով՝ կապված այդ երկրի կողմից օրինական նախագահ Նիկոլաս Մադուրոյի գլխավորած Վենեսուելայի կառավարությանն աջակցելու հետ: Նրա խոսքով՝ դա կարվի, եթե կուբայական զորքերը եւ կազմավորումներն անմիջապես չդադարեցնեն ռազմական եւ այլ գործողությունները, որոնք «հանգեցնում են մահերի եւ Վենեսուեկայի սահմանադրության խափանմանը»:
Մինչ այս Սպիտակ տունը հայտարարել էր Կուբա այն ամերիկացիների ուղեւորությունների սահմանափակումների մասին, որոնք այդ երկրում ազգականներ չունեն: Դրանից բացի, ԱՄՆ-ն ամերիկացիների կողմից Կուբա դրամական փոխանցումների սահմանափակումներ է մտցրել՝ եռամսյակի ընթացքում հազար դոլար չափով:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...