Մինսկում ՌԴ դեսպան Միխայիլ Բաբիչին առաջիկայում հետ կկանչեն
Մինսկում Ռուսաստանի դեսպան Միխայիլ Բաբիչը առաջիկայում հետ կկանչվի իր պաշտոնից, տեղեկացնում է ՌԻԱ «Նովոստի»-ն՝ հղում կատարելով ԱՊՀ գործերով Պետդումայի կոմիտեում ունեցած աղբյուրին։
Գործակալության զրուցակցի խոսքով՝ այդ պաշտոնը կարող է զբաղեցնել սենատոր Դմիտրի Մեզենցեւը։
Այն մասին, որ Բաբիչին հետ կկանչեն, տեղեկացրել է նաեւ «Կոմերսանտը»՝ հղում կատարելով բարձրաստիճան աղբյուրին։ Ինչպես պնդում է պարբերականի զրուցակիցներից մեկը, «դա քննարկվում է անցած շաբաթվանից»։ Մեկ ուրիշը հայտարարել է, որ առաջիկայում սպասվում է նախագահի համապատասխան հրամանագիրը։
Բաբիչը դիվանագիտական առաքելությունը գլխավորել է անցած տարվա օգոստոսից։ Ապրիլին բելառուսական ԱԳՆ-ն Բաբիչին մեղադրել էր «երկրների միջեւ հարաբերությունները քայքայելու մեջ»։ Այսպես են Մինսկում արձագանքել դեսպանի խոսքերին ԲելԱԷԿ-ի կառուցման արժեքի վերաբերյալ։
Բելառուսի նախագահ Ալեքսանդր Լուկաշենկոն ասել է, որ կայանի կառուցումը կարող է յոթ միլիարդ դոլար արժենալ, այն դեպքում, երբ Ռուսաստանի հետ կնքվել է տասը միլիարդի համաձայնագիր։
Իր հերթին, Բաբիչը նշել է, որ Մոսկվան երբեք վերջնական գին չի նշել ԱԷԿ-ի կառուցման համար, իսկ Բելառուսի առաջնորդին, հավանաբար, մոլորության մեջ են գցել։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...