Վենեսուելայի իշխանությունները կրկնակի բարձրացրել են նվազագույն աշխատավարձը
Վենեսուելայի ղեկավարությունը որոշում է կայացրել բարձրացնել նվազագույն աշխատավարձը՝ 18 հազարից հասցնելով 40 հազար բոլիվարի, տեղեկացնում է ՏԱՍՍ-ը՝ հղում կատարելով El Nacional-ին։
Պաշտոնական փոխարժեքով՝ այդ գումարը չի գերազանցում 8 դոլարը։ Որոշ աշխատողների համար նախատեսվում է նաեւ հավելավճար 25 հազար բոլիվարի չափով՝ մոտ 4 դոլար։
Ընդդիմությունը տեղեկացրել էր, որ նվազագույն աշխատավարձ Վենեսուելայում կստանա մի քանի միլիոն մարդ, այդ թվում ոստիկանները, ուսուցիչներն ու առողջապահության ոլորտի աշխատողները։ Նրա տվյալներով՝ մինչեւ վերջին բարձրացումը այն 14 անգամ ավելի ցածր էր, քան Հաիթիում՝ Արեւմտյան կիսագնդի ամենաաղքատ երկրում։
Վենեսուելան վերջին տարիներին սոցիալ-տնտեսական սուր ճգնաժամի մեջ է, որն ուղեկցվում է գերինֆլյացիայով եւ ազգային արժույթի արժեզրկմամբ։ Ընթացիկ տարում իրավիճակը բարդացել է կառավարական եւ ընդդիմադիր ուժերի դիմակայությամբ։ Ընդդիմության ղեկավար Խուան Գուայդոն հունվարի 23-ին իրեն հռչակեց նախագահի պաշտոնակատար։ Նրան այդ պաշտոնում ճանաչեց ԱՄՆ-ը, որին միացան Լիմայի խմբի երկրները (բացի Մեքսիկայից), Ամերիկյան պետությունների կազմակերպությունը եւ ԵՄ երկրների մեծ մասը։
Գործող նախագահ Նիկոլաս Մադուրոն կատարվածն անվանել է հեղաշրջում։ Նրան աջակցություն են հայտնել Ռուսաստանը, Բելառուսը, Իրանը, Չինաստանը, Կուբան, Նիկարագուան, Սալվադորը, Սիրիան եւ Թուրքիան։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...