Պուտինը պահանջել է ինձ չթողնել Հայաստան, Թուրքիա եւ Ադրբեջան. Սաակաշվիլի
Միխայիլ Սաակաշվիլին մեկնաբանել է Ռուսաստանի նախագահ Վլադիմիր Պուտինի խոսքերը, որն առաջարկել է Ուկրաինայի նորընտիր նախագահ Վլադիմիր Զելենսկուն Վրաստանի նախկին նախագահին վերադարձնել ուկրաինական քաղաքացիությունը։
«Սա այն Պուտինն է, որը 2017-ի դեկտեմբերին մամուլի ասուլիսում բարձրաձայն պահանջում էր Պորոշենկոյից քշել ինձ Ուկրաինայից (ինչը Պորոշենկոն արեց մի ամիս հետո)»,- ասել է Սաակաշվիլին ՌԲԿ մեկնաբանությունում։
Սաակաշվիլու խոսքով՝ հենց Պուտինն է պահանջել նախագահ Պյոտր Պորոշենկոյից նրան չհրավիրել 2014-ի երդմնակալության արարողությանը, իսկ հիմա «Պուտինի ներկայացուցիչները միջնորդների միջոցով պահանջում են Զելենսկուց ոչ միայն չվերադարձնել քաղաքացիությունը, այլեւ կտրուկ պայման են դնում՝ իրեն չթողնել Ուկրաինա»։
«Ճիշտ նույն պահանջը՝ չթողնել ինձ երկիր, Պուտինը ներկայացրել է ոչ միայն Վրաստանի, այլեւ Թուրքիայի, Հայաստանի եւ Ադրբեջանի իշխանություններին։ Եվ իմ տեղեկատվությամբ՝ հենց սա է նա քննարկել Թուրքիայի նախագահ Էրդողանի հետ 2026 թվականին, Ռուսաստանում հանդիպման ժամանակ»,- պնդում է Օդեսայի նախկին նահանգապետը։
Ավելի վաղ Պուտինը խորհուրդ էր տվել Զելենսկուն սկսել Վրաստանի նախկին նախագահ եւ Օդեսայի նախկին նահանգապետ Միխայիլ Սաակաշվիլուն Ուկրաինայի քաղաքացիություն շնորհելուց։
2017-ի հուլիսին նախագահ Պյոտր Պորոշենկոն Սաակաշվիլուն զրկել էր ուկրաինական քաղաքացիությունից։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...