Ինչ են ուտում ՏՏ ոլորտի միլիարդատերերը. (լուսանկարներ)
Այն, որ մեծահարուստները տարբեր հարցերում տարօրինակ նախասիրություններ ունեն, նորություն չէ, գրում է gazeta.ru-ն՝ ներկայացնելով տեղեկատվական տեխնոլոգիաների ոլորտի միլիարդատերերի ուշագրավ սննդային նախասիրությունները:
Բիլ Գեյթս
Երկար ժամանակ աշխարհի ամենահարուստ մարդը համարվող Բիլ Գեյթը, որը Microsoft ընկերության հիմնադիրն է, շատ է սիրում դիետիկ «Կոկա Կոլա» և գազավորված ըմպելիքից օրական 3-4 շիշ է օգտագործում: Նախաճաշի համար նա ուտում է շոկոլադե փաթիլներ (хлопья), իսկ ճաշին՝ չիզբուրգերներ: Հատկանշական է, որ ճաշի ժամին համընկնող հանդիպումների ժամանակ Գեյթսի հյուրերը, անկախ իրենց ունեցած կոչումից ու պաշտոնից, ստիպված են չիզբուրգեր ուտել:
«Եթե դուք պետք է Բիլի հետ ճաշեք, ապա բուրգեր եք ուտելու: Ինչ-որ մեկին անընդհատ ճաշարան են ուղարկում նրա համար «ֆասթֆուդ» բերելու համար: Կարծում եմ՝ կինը նրան տանը թույլ չի տալիս չիզբուրգերներ ուտել»,-պատմել է Գեյթսի անձնական հիմնադրամի տնօրեն Ջո Սերելը:
Մարկ Ցուկերբերգ
Facebook ընկերության հիմնադիր-ղեկավար Մարկ Ցուկերբերգը խոստովանել է, որ չի սիրում երկար-բարակ մտածել՝ ինչ ուտել: Նա ուտում է այն, ինչ սիրտն ուզում է: Սակայն սա չի նշանակում, որ միլիարդատերը հետաքրքիր փորձարկումներ չի արել իր սննդակարգի հետ: Օրինակ՝ 2011թ. նա որոշել էր սնվել միայն այն կենդանիների մսով, որոնց անձամբ է սպանել: Արդյունքում նա ուտում էր այծի, խոզի միս, թռչնամիս և ծովախեցգետիններ: Twitter կայքի ղեկավար Ջեք Դորսին մի անգամ նրա տանը լինելուց հետո սարսափով պատմել էր՝ ինչպես է Ցուկերբերգը սպանել այծին ու հետո կենդանու միսը մատուցել:
Ջեք Դորսի
Ինքը`Դորսին, օրական մեկ անգամ է սնվում, իսկ հանգստյան օրերին նախընտրում է չուտել: Օրվա ընթացքում նա սնվում է 18:30-21:00-ն ընկած ժամանակահատվածում: Սովորաբար նա ուտում է ձկան միս, ճուտ կամ բանջարեղենային աղցանով սթեյք: Աղանդերի համար միլիարդատերն ուտում է հատապտուղներ կամ սև շոկոլադ: Բացի այդ, նա օգտագործում է վիտամիններ՝ հատկապես C վիտամին: Դորսիի պնդմամբ՝ այսպիսի սննդակարգն իրեն օգնում է միտքը միշտ թարմ պահել:
Սթիվ Ջոբս
Apple ընկերության հանգուցյալ հիմնադիր Սթիվ Ջոբսը հայտնի էր իր տարօրինակ դիետաներով: Նա միրգ-բանջարեղենային դիետաների սիրահար էր: Ջոբսը հավատացած էր, որ այսպիսի դիետան իր մարմինը մաքրում է տարբեր հոտերից: Իսկ երբեմն էլ Ջոբսն ընդհանրապես չէր սնվում ՝ պնդելով, որ քաղցը ստեղծում է «էյֆորիայի և էքսկատզի» զգացողություն:
Իլոն Մասկ
Tesla, SpaceX ընկերությունների գործադիր տնօրենը հազվադեպ է լիաժեք սնվում, սովորաբար բաց է թողնում նախաճաշը՝ սահմանափակվելով շոկոլադով ու սրճով: Մասկը սովորաբար ճաշում է գործնական հանդիպումների ժամանակ և ամեն ինչ ուտում է հաշված րոպեների ընթացքում՝ ինչը, ըստ նրա, «այդքան էլ օգտակար չէ»:
Ինչ վերաբերում է ընթրիքին, ապա Մասկը պատմել է, որ գործնական ընթրիքների ժամանակ չափից ավելի շատ է ուտում՝ սնվելով երկուսի փոխարեն: Միլիարդատերը նշել է, որ ուսանող ժամանակ սննդի վրա օրական ծախսում էր մեկ դոլար, սակայն նույնն անել մյուսներին խորհուրդ չի տալիս:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...