Շոտլանդիայում աճել է Մեծ Բրիտանիայից անկախացման գաղափարի աջակիցների թիվը. հարցում
Շոտլանդիայի բնակչության՝ Միացյալ Թագավորության կազմից դուրս գալու գաղափարի աջակիցների թիվը տեղի իշխանությունների՝ շրջանի անկախացման վերաբերյալ մինչև 2021թ.-ը նոր հանրաքվե անցկացնելու որոշման ֆոնին աճել է:
YouGov սոցիոլոգիական ծառայությունն այդ թեմայով հարցում է անցկացրել, որի համաձայն այսօր Շոտլանդիայի բնակչության 49%-ը կողմ է շրջանի անկախացմանը:
Թեմայի վերաբերյալ նախորդ հարցումն անցկացվել անցած տարվա հունիսին: Այդ ժամանակ անկախությանը կողմ էր արտահայտվել Շոտլանդիայի բնակիչների 45%-ը, դեմ՝ 55%-ը:
Հաղորդվում է նաև, որ, չնայած անկախության աջակիցների թվի աճին, հարցման մասնակիցների 53%-ը առաջիկա 5 տարվա ընթացքում հանրաքվե անցկացնելու գաղափարը տեղին չի համարել:
Ավելի վաղ Շոտլանդիայի առաջին նախարար Նիկոլ Ստերջենը հայտնել էր, որ տեղի իշխանությունները մինչև տարեվերջ մինչև 2021թ.-ը անկախության վերաբերյալ ևս մեկ հանրաքվե անցկացնելու մասին օրենք կընդունեն:
Նրա խոսքով՝ Շոտլանդիան այժմ անկախության ձգտելու համար ավելի շատ հիմքեր ունի: Խոսքը «Բրեքզիթ»-ի՝ Մեծ Բրիտանիան Եվրամիության կազմից դուրս բերելու գործընթացի շուրջ ստեղծված իրավիճակի մասին է, որին շրջանի բնակչության մեծ մասը դեմ է:
Հիշեցնենք, որ 2014թ.-ին առաջին հանրաքվեի ժամանակ շոտլանդացիների 55%-ը դեմ էր քվեարկել Մեծ Բրիտանիայից Շոտլանդիայի անկախացմանը:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...