WikiLeaks-ը հայտնել է, որ Ասանժին սպառնում է մահապատիժ
Ուրբաթ WikiLeaks-ն իր թվիթերյան էջում հայտնել է, որ Միացյալ Նահանգներում պորտալի հիմնադիր Ջուլիան Ասանժին սպառնում է մահապատիժ, քանի որ ԱՄՆ-ի արդարադատության նախարարությունը մտադիր է քրեական գործ հարուցել նրա նկատմամբ «Լրտեսություն» հոդվածով, գրում է ՌԳ-ը:
«Ըստ օրենքի՝ լրտեսության մեղադրանքով կարող է սպառնալ մահապատիժ»,-նշվում է հաղորդագրության մեջ:
Թվիթում ներկայացված է նաեւ ԱՄՆ-ի դատախազ Թրեյսի Դոեթրի-Մաքքորմիկ Դոմշայթ-Բերգի նամակի կրկնօրինակն ուղղված Ասանժի փաստաբանին, որում նշված է, որ ամերիկյան հետաքննիչները դեռեւս 2018 թվականի գարնանը մտադիր էին հարցաքննել փաստաբանին նրա պաշտպանյալի կողմից «գաղտնի տեղեկատվությունը անօրինաբար ստանալու եւ տարածելու» առնչությամբ:
Թվիթերում WikiLeaks-ը հրապարակել է նաեւ Netzpolitik.org պորտալի հղումը: Փաստաթղթում ասվում է, որ ԱՄՆ-ի դաշնային դատախազի գրասենյակը հետաքննություն է անցկացնում Ասանժի նկատմամբ «գաղտնի տեղեկատվությունը անօրինաբար ստանալու եւ տարածելու» առնչությամբ:
Ավելի վաղ ԱՄՆ-ի արդարադատության նախարարությունում հավաստիացրել էին, որ Մեծ Բրիտանիայից Ջուլիան Ասանժի արտահանձնման դեպքում նա կարող է «ազատարկվել առավելագույնս հինգ տարի ժամեկտով»:
Հիշեցնենք, որ Ասանժի 7-ամյա բնակությունը Մեծ Բրիտանիայում Էկվադորի դեսպանատանը դադարել էր 2019 թվականի ապրիլի 11-ին, երբ նրան ձերբակալել էր բրիտանական ոստիկանությունը: Հարցը լուծվել էր Էկվադորի ներկայիս նախագահ Լենին Մորենոյի համաձայնությամբ, որը չեղարկել էր Ասանժի դիվանագիտական իմունիտետը, այնուհետեւ մեղադրել WikiLeaks-ի հիմնադրին դեսպանատանը «լրտեսության կենտրոն» ստեղծելու մեջ:
2012 թվականին Լոնդոնի Վեստմիստեր դատարանը ճանաչել է Ջուլիան Ասանժին որպես մեղավոր գրավի պայմանները խախտելու եւ դատարան չներկայանալու համար, երբ պետք է քննվեր Շվեդիա նրա արտահանձնման մասին գործը, որտեղ նա մեղադրվում էր բռնաբարության մեջ: Հենց այդ ժամանակ ավստրալացի լրագրողը թաքստոց էր գտել Լոնդոնում Էկվադորի դեսպանատանը. այդ ժամանակ Էկվադորը ղեկավարում էր սոցիալիստ Ռաֆայել Կորեան:
Բռնաբարության մասին գործը փակվել է 2 տարի առաջ եւ պաշտոնական Ստոկհոլմը հավաստիացնում է, որ որեւէ պահանջ չունի Ասանժի նկատմամբ: Ասանժն ինքն ասում էր, որ ավելի շատ վախենում է Միացյալ Նահանգներ արտահանձնումից, քան Շվեդիա, քանի որ ԱՄՆ-ը ցանկանում է վրեժ լուծել նրանից:
ԱՄՆ-ի իշխանությունները հետաքրքրվել էին Ասանժով, երբ 2010 թվականին նրա պորտալում հրապարակվել էին ավելի քան 700 հազար գաղտնի ռազմական եւ դիվանագիտական փաստաթղթեր: Այդ արտահոսքն ամենախոշորն էր ԱՄՆ-ի պատմության մեջ: Ասանժին փաստաթղթերը փոխանցել էր ամերիկյան ցամաքային զորքերի նախկին շարքային Բրեդլի Մենինգը, որը դատապարտվել էր 35 տարվա ազատազրկման, այնուհետեւ բանտում սեռը փոխելու վիրահատություն արել. այժմ նրա անունը Չելսի է: Նրան ներում էր շնորհել նախագահ Բարաք Օբաման, սակայն ազատ արձակվելուց մեկ տարի անց նա կրկին ձերբակալվել էր, քանի որ ցուցմունք չէր տվել WikiLeaks-ի գործով:
Իսկ Ասանժը կգտնվի բրիտանական բանտում մինչեւ մայիսի 2-ը: Այդ օրը կայանալիք լսումների ժամանակ կորոշվի Վաշինգտոնի հարցման հիման վրա ամերիկյան արդարադատությանը նրան հանձնելու հարցը:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...