Պուտինը հանձնարարել է քննարկել Էրդողանի Ղրիմ հնարավոր այցի ձևաչափը
Ռուսաստանի նախագահ Վլադիմիր Պուտինը կառավարությանը հանձնարարել է քննարկել Թուրքիայի նախագահ Ռեջեփ Էրդողանի հնարավոր այցի ձևաչափը՝ Ղրիմում մզկիթի բացման շրջանակում, որը նախատեսված է տարեվերջին:
«Ռուսաստանի ԱԳՆ-ին՝ շահագրգիռ կրոնական կազմակերպությունների մասնակցությամբ, քննարկել Ռուսաստանի Դաշնություն Թուրքիայի Հանրապետության նախագահի հնարավոր այցի ձևաչափը՝ Սիմֆերոպոլում Տաճարային մզկիթի բացմանը մասնակցելու համար»,- Կրեմլի կայքում հրապարակված համապատասխան հանձնարարականի տեքստն է մեջբերում ՏԱՍՍ լրատվական գործակալությունը: Նախագահի հանձնարարականը պետք է կատարվի մինչև հունիսի 1-ը:
Պուտինը ավելի վաղ հայտնել է, որ արդեն հրավիրել է Էրդողանին Ղրիմում մզկիթի բացման արարողությանը, և, Կրեմլի ղեկավարի խոսքով, Թուրքիայի նախագահը դրական է արձագանքել այդ առաջարկին:
Պաշտոնական Անկարան, որը չի ճանաչում Ղրիմը որպես Ռուսաստանի մաս և անընդհատ բարձրաձայնում է, թե մեծապես անհանգստացած է Ղրիմում ապրող թաթարների ճակատագրով, առայժմ հրապարակավ չի արձագանքել Մոսկվայից հնչող այս հայտարարություններին: Թուրքիան նաև աջակցում է Ուկրաինայի տարածքային ամբողջականությանն ու ինքնիշխանությանը։
Ղրիմ ժամանելու դեպքում Ռեջեփ Էրդողանը կդառնա օտարերկրյա պետության առաջին ղեկավարը, ով բռնակցումից հետո այցելում է թերակղզի:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...