ԱՄՆ նախագահի թեկնածուներից առնվազն 5-ն աջակցում են Հայոց ցեղասպանությունը ճանաչելու կոչ անող բանաձևին
Լուսանկարում՝ Քամալա Հարիսը
ԱՄՆ-ում տեղակայված Al Monitor լրատվամիջոցը Հայոց ցեղասպանության 104-րդ տարելիցի առնչությամբ հոդված է հրապարակել, որում արծարծվում է Միացյալ Նահանգների կողմից Հայոց ցեղասպանության ճանաչման թեման, ինչպես նաև անդրադարձ է կատարվում այդ առնչությամբ նախորդ տարիների իրադարձություններին և թուրք-ամերիկյան հարաբերություններում առկա լարվածությանը:
Լրատվամիջոցը հիշեցնում է, որ արդեն ավելի քան 100 կոնգրեսականներ ստորագրել են ԱՄՆ Սենատում և Ներկայացուցիչների պալատում ապրիլի 9-ին ներկայացված բանաձևը, որով կոչ է արվում երկրի իշխանություններին ճանաչել Հայոց ցեղասպանությունը:
Լրատվամիջոցն ընդգծում է, որ բանաձևը ստորագրած կոնգրեսականներից մի քանիսը 2020 թվականին կայանալիք ԱՄՆ նախագահական ընտրությունների թեկնածուներ են:
Նախագահի թեկնածուներից բանաձևին աջակցում են մասնավորապես Մասաչուսեթս նահանգից սենատոր Էլիզաբեթ Ուորենը, Կալիֆոռնիա նահանգից կրտսեր սենատոր Քամալա Հարիսը, կոնգրեսականներ Թուլսի Գաբարդը՝ Հավայի նահանգից և Սեթ Մոլթոնը՝ Մասաչուսեթս նահանգից, ընդ որում նախագահի մեկ այլ թեկնածու՝ կոնգրեսական Էրիկ Սուոլուելը, նման կոչ պարունակող բանաձևը ստորագրել էր 2017-ին:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026