Ֆրանցիսկոս Պապը կոչ է արել դատապարտել Շրի Լանկայի ահաբեկչությունները

Հռոմի Ֆրանցիսկոս Պապը երկուշաբթի Վատիկանի առաքելական պալատից դիմելով հավատացյալներին կոչ է արել դատապարտել Շրի Լանկայի ահաբեկչությունները, որոնք բազմաթիվ մարդկային զոհերի են հանգեցրել, հաղորդում է «ՌԻԱ Նովոստին»:

«Նորից ուզում եմ իմ հոեգեւոր եւ եղբայրական սերը հայտնել Շրի Լանկայի ժողովրդին», - ասել է Ֆրանցիսկոս Պապը՝ նշելով, որ աղոթում է պայթյունների հետեւանքով բազմաթիվ զոհերի եւ վիրավորների համար:

«Խնդրում եմ բոլորին, առանց տատանվելու անհրաժեշտ օգնություն տրամադրել այդ թանկագին երկրին: Բացի այդ հույս եմ հայտնում, որ բոլորը կդատապարտեն այս ահաբեկչական, անմարդկային գործողությունները, որոնք երբեք արդարացում չեն ունենա», - ընդգծել է նա:

Շրի Լանկայում զատկի կիրակի պայթյունների շարք էր տեղի ունեցել, առաջին վեց պայթյունները որոտացել են երեք տաճարներում՝ Կոլոմբոյի, Նեգոմբոյի եւ Բատիկալոայի եւ երեք հյուրանոցներում, 7-րդը՝ կղզու արեւմուտքում, 8-րդը՝ Կոլոմբոյի մերձքաղաքային բնակելի համալիրում: Եվս մեկ ռումբ վնասազերծել են Բանդարանաիկի միջազգային օդանավակայանում:

8 պայթյունների հետեւանքով զոհերի թիվը հասել է մինչեւ 290-ի, տուժել է 500-ը:

Լրատվամիջոցների տվյալներով ահաբեկչությունները իրականացվել են 7 մահապարտ ահաբեկիչների կողմից:

Այս թեմայով Շրի Լանկայում սոցցանցերն արգելափակվել են Շրի Լանկայում նոր ահաբեկչության սպառնալիքի պատճառով կաթոլիկ եկեղեցիներում հետաձգվել են պատարագները Շրի Լանկայի իշխանությունները չեղարկել են սոցցանցերի օգտագործման արգելքը Շրի Լանկայում արգելվել է դեմքը ծածկող հագուստը Շրի Լանկայում կաթոլիկ եկեղեցին չեղարկել է բոլոր կիրակնօրյա պատարագները