Հյուսիսային Իռլանդիայում բախումների ընթացքում լրագրող է զոհվել
Հյուսիսային Իռլանդիայում ոստիկանությունը հայտարարել է, որ «Նոր իռլանդական հանրապետական բանակ» անվամբ կազմակերպությունն է պատասխանատվություն կրում Լոնդոնդերիում հետաքննող լրագրող Լիրա ՄըքՔիի սպանության համար:
29-ամյա լրագրողն այսօր առավոտյան սպանվել է անկարգությունների ընթացքում արձակված փամփուշտից: Նա լուսաբանել է ընդհարումները, որոնց ընթացքում խռովարարները քարեր և բենզինով լցված շշեր են նետել ոստիկանների վրա:
ՄըքՔին հասցրել է Թվիթերում տեղադրել իր վերջին գրառումը՝ փոխանցելով, որ «Լոնդոնդերիում ոստիկանների և խռովարարների բախումները վերածվել են բացարձակ խենթության»:
Հյուսիսային Իռլանդիայի ոստիկանության պետի տեղակալ Մարք Համիլթոնն ասել է, որ ընդհարման ժամանակ մի զինյալ կրակ է բացել ոստիկանների վրա:
«Մենք տեղի ունեցածը գնահատում ենք որպես ահաբեկչական գործողություն, որն իրականացրել են «Նոր իռլանդական հանրապետական բանակ» կազմակերպության արմատականները», - ասել է փոխոստիկանապետը:
Լրագրող Ջեյք Հանրահանը, ով այդ պահին նույնպես լուսաբանել է ընդհարումը, դեպքից հետո ասել է, որ «Լիրա ՄըքՔին հայտնվել էր խաչաձև կրակի տակ»:
Այլ ականատեսների պնդմամբ, լրագրողի վրա կրակ է բացել խռովարարների խմբում գտնվող մի դիմակավորված անձ:
Լրագրող ՄըքՔին մեծ թվով հրապարակումներ է հեղինակել Հյուսիսային Իռլանդիայում տասնամյակներ տևած բախումների թեմայով, համարվել է հետաքննող լրագրության աստղ և անցյալ տարի իր գիրքը հրատարակելու պայմանագիր է կնքել:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026