Էլիզաբեթ II-ն իր հիացմունքն է հայտնել Ֆրանսիայի հրշեջ ծառայության աշխատակիցներին Փարիզի Աստվածամոր տաճարի հրդեհը մարելու համար
Մեծ Բրիտանիայի թագուհի Էլիզաբեթ II-ն իր հիացմունքն է հայտնել Ֆրանսիայի հրշեջ ծառայության աշխատակիցներին երեկ երեկոյան Փարիզի Աստվածամոր տաճարում բռնկված խոշոր հրդեհը մարելու համար: Այս մասին գրում է Reuters գործակալությունը՝ հղում անելով թագուհու՝ Ֆրանսիայի նախագահ Էմանուել Մակրոնին ուղղված ուղերձին:
«Ես և արքայազն Ֆիլիպը խորապես վշտացանք՝ տեսնելով մայր տաճարում բռնկված հրդեհի լուսանկարները: Իմ անկեղծ հիացմունքն եմ հայտնում հրշեջ ծառայությունների աշխատակիցներին, որոնք վտանգի ենթարկեցին իրենց կյանքը՝ փորձելով փրկել այդ կարևոր ազգային հուշարձանը»,- ասվում է թագուհու ուղերձում:
Հիշեցնենք, որ խոշոր հրդեհը բռնկվել էր ապրիլի 15-ի երեկոյան՝ տեղական ժամանակով ժամը 18:50-ի սահմաններում: Հրդեհի հետևանքով փլվել են տաճարի աշտարակը, փայտե կառույցները, տանիքը, տաճարը մեծապես տուժել է:
Հրդեհաշիջման աշխատանքներին շուրջ 400 հրշեջ է մասնակցել: Ժամեր անց հաղորդվել է, որ կրակը տեղայնացվել, այնուհետև մարվել է: Հրշեջներին հաջողվել է փրկել տաճարի հիմնական կառույցը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026