Սուդանի նախկին նախագահի կինն ու եղբայրը փորձել են թռչել Դուբայ
Սուդանի նախկին նախագահ Օմար ալ Բաշիրի կինը՝ Վիդադ Բաբաքրը, ինչպես նաեւ նրա հարազատ եղբայրը՝ Աբդալա ալ Բաշիրը, փորձել են Հարավային Սուդանի մայրաքաղաք Ջուբայից թռչել Դուբայ, տեղեկացնում է ՌԻԱ «Նովոստի»-ն՝ հղում կատարելով «Մասրավի» թերթին։
Տեղեկացվում է, որ Վիդադ Բաբաքրը Ջուբա է մեկնել երեխաների հետ միասին իշխանությունից ալ Բաշիրին հեռացնելու նախօրեին։ Սուդանի նախկին նախագահի եղբայրը Հարավային Սուդանում է ապրիլի 6-ից ՝բիզնեսի գործերով։
Հարավսուդանյան իշխանությունները հրաժարվել են ալ Բաշիրի հարազատներին թույլ տալ հեռանալ ԱՄԷ եւ առաջարկել են գնալ Դուբայ Խարթումից, տեղեկացնում է պարբերականը։
Միեւնույն ժամանակ, պաշտոնապես չի տեղեկացվել Սուդանի նախկին նախագահի կնոջ եւ նրա մյուս հարազատների գտնվելու վայրի մասին։
Սուդանում հինգշաբթի տեղի է ունեցել հեղաշրջում, նախագահ Օմար ալ Բաշիրը, որն իշխանության ղեկին էր 30 տարի անընդմեջ, կալանվել է։ Իշխանությունը վերցրել են զինվորականները։ Հեղաշրջմանը նախորդել են բողոքի չդադարող ցույցերը Խարթումում եւ մի շարք նահանգներում։ Ալ Բաշիրը երկրում արտակարգ դրություն էր մտցրել։
Անցած շաբաթվա սկզբին իրավիճակը Խարթումում սրվեց, ցուցարարները ակցիաներ իրականացրին նախագահի նստավայրի եւ զինված ուժերի հրամանատարության շենքի մոտ։
Այժմ անցումային ռազմական խորհրդի ղեկավարն է Աբդելֆաթահ ալ Բուրհանը, որը հայտարարել է մինչ այդ մտցված պարետային ժամը եւ արտակարգ դրությունը չեղարկելու մասին։ Նա տեղեկացրել է, որ խորհրդի աշխատանքի ժամկետը առավելագույնը երկու տարի է, եւ հաստատել է քաղաքացիական կառավարությանն իշխանությունը հանձնելու պարտավորության մասին։
Կիրակի օրը Սուդանի անցումային ռազմական խորհուրդը թոշակի է ուղարկել պաշտպանության նախարար Ավադ իբն Աուֆին եւ Անվտանգության ծառայության ղեկավար Սալահ Քուշին։ Խորհրդում ասել են, որ միջոցներ են ձեռնարկվում անվտանգության ողջ համակարգը վերակառուցելու համար։
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Մահացել է Երևանի նախկին քաղաքապետ Ռոբերտ Նազարյանը
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Հունվարի 27-ը Հայրենիքի պաշտպանության համար զոհվածների հիշատակի օրն է
Հայաստանը խաղադրույք է կատարում ոչ թե պարզապես տեխնոլոգիաների, այլ գիտության, կրթության և ԱԲ տնտեսու...
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Ժամանակավորապես կդադարեցվի հետևյալ հասցեների էլեկտրամատակարարումը
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...