Լոնդոնում սկսվել են Ջուլիան Ասանժի գործի լսումները
Լոնդոնի Վեսթմինսթերյան մագիստրական դատարանը սկսել է WikiLeaks-ի հիմնադիր Ջուլիան Ասանժի գործի լսումները, տեղեկացնում է ՌԻԱ «Նովոստի»-ն դատարանի դահլիճից։
Ասանժը ներկա է դատարանի դահլիճում։ Կողմերը սկսել են ծանոթանալ գործի նյութերին։
Սքոթլանդ Յարդը հինգշաբթի առավոտյան ձերբակալել է Ասանժին Էկվադորի դեսպանատանը՝ այդ երկրի կողմից նրան ապաստան տալուց հրաժարվելուց հետո։ WikiLeaks-ի հիմնադիրը ձերբակալվել է նաեւ ԱՄՆ իշխանությունների հարցապնդմամբ, արտահանձնման օրդերին համապատասխան։
WikiLeaks պորտալի հիմնադիր Ջուլիան Ասանժը հանրահայտ է դարձել մի շարք հրապարակումներից հետո, այդ թվում՝ Աֆղանստանում եւ Իրաքում ԱՄՆ ռազմական գործողությունների եւ Գուանտանամո բանտում պահման պայմանների մասին:
2010 թվականին WikiLeaks հիմնադիրը, երբ նրանով հետաքրքրվել են ամերիկյան իշխանությունները, տեղափոխվել է Շվեդիա, որտեղ մտադիր էր պաշտպանություն ստանալ: Հետագայում նրան մեղադրել են սեքսուալ բնույթի հանցագործությունների մեջ, որոնց մասնակցությունը Ասանժը հերքում է:
Շվեդիայի դատարանը նրա նկատմամբ միջազգային հետախուզում էր հայտարարել, որից հետո նա Լոնդոնում ձերբակալվել էր, բայց գրավով ազատ արձռակվել: Ասանժը 2012 թվականից թաքնվում է Լոնդոնում Էկվադորի դեսպանատանը: Նրա պաշտպանության կարծիքով՝ իրենց հաճախորդի դեմ բոլոր մեղադրանքները պատվիրված են եւ քաղաքականացված:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026