Վլադիմիր Կլիչկոն Պորոշենկոյին և Զելենսկիին կոչ է արել այսօր դոպինգ-թեստ հանձնել
Բռնցքամարտի աշխարհի նախկին չեմպիոն Վլադիմիր Կլիչկոն Ուկրաինայի նախագահի թեկնածուներ Պյոտր Պորոշենկոյին և Վլադիմիր Զելենսկիին կոչ է արել այսօր դոպինգ-թեստ հանձնել: Բռնցքամարտիկը քաղաքական գործիչներին առաջարկել է անալիզներ հանձնել Ինքնակամ հակադոպինգային ասոցիացիայի՝ VADA-ի ներկայացուցիչներին, որոնք ժամանել են Կիև: Այս մասին հայտնում է news.liga.net-ը:
«Նախագահի թեկնածուներին առաջարկում եմ այսօր ժամանել «Օլիմպիական» մարզադաշտ և Ուկրաինայի ժամանակով ժամը 15:00-18:00-ն ընկած հատվածում ինքնակամ դոպինգ-թեստեր հանձնել»,- ասել է Կլիչկոն՝ կասկածի տակ առնելով ապրիլի 5-ին Պորոշենկոյի և Զելենսկիի հանձնած անալիզների արդյունքները, որոնք բացասական էին:
Բռնցքամարտիկը կարծում է, որ արգելված խթանիչների հայտնաբերման գործընթացը տևում է նվազագույնը 48 ժամ:
Հիշեցնենք, որ ապրիլի 3-ին Զելենսկին Պորոշենկոյին «Օլիմպիական» մարզադաշտում հանրության առաջ բանավեճ անցկացնելու առաջարկ էր արել՝ պայման դնելով, որ բանավեճից առաջ նախագահական մրցապայքարի մասնակիցները պետք է ալկոհոլի և թմրանյութերի թեստ հանձնեն:
Պորոշենկոյի շտաբից նախ հայտարարել էին, որ նման պահանջը խախտում է սահմանված կարգը, սակայն ավելի ուշ Ուկրաինայի գործող նախագահն ընդունել էր մարտահրավերը: Արդյունքում երկու թեկնածուներն էլ արյան անալիզ էին հանձնել:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026