Spiegel-ը Թերեզա Մեյի՝ Բեռլին և Փարիզ սպասվող այցերն անվանել է «մուրացկանություն»
Մեծ Բրիտանիայի վարչապետ Թերեզա Մեյը կրկին ճանապարհորդում է Եվրոպայով. այս շաբաթվա ընթացքում նա կայցելի Բեռլին, Փարիզ և Բրյուսել:
Գերմանական Spiegel պարբերականը Մեյի այցելություններն անվանել է «մուրացկանություն» և հավելել, որ ներքին ճգնաժամը թուլացնում է բրիտանացի վարչապետի դիրքերը եվրոպացի առաջնորդների առաջ՝ այն դեպքում, երբ նա օգնություն է ակնկալում Գերմանիայի կանցլեր Անգելա Մերկելից և Ֆրանսիայի նախագահ Էմանուել Մակրոնից:
Ինչպես գրում է պարբերականը, հերթական անգամ Թերեզա Մեյը փորձում է պայքարել «Բրեքզիթ»-ի (Մեծ Բրիտանիայի դուրս գալը ԵՄ կազմից) իր տարբերակի համար:
Ինչպես ավելի վաղ հաղորդել էր Tert.am-ը՝ The Guardian-ին հղումով, Մեծ Բրիտանիայի վարչապետ Թերեզա Մեյը, որը դիմել է Եվրոպական միությանը՝ խնդրելով «Բրեքզիթ»-ի վերջնաժամկետը սահմանել ընթացիկ տարվա հունիսի 30-ը, մերժում կստանա: ԵՄ-ն, ամենայն հավանականությամբ, հակված է Մեծ Բրիտանիայի անդամակցությունը պահպանել ևս մեկ տարով՝ մինչև 2020թ. մարտը:
Հիշեցնենք, որ Մեծ Բրիտանիայի՝ ԵՄ կազմից դուրս գալու հարցով հանրաքվեն տեղի է ունեցել 2016թ., սակայն երկիրն առ այսօր շարունակում է ԵՄ անդամ լինել: Ի սկզբանե Լոնդոնի անդամակցությունը պետք է դադարեցվեր 2019թ. մարտի 29-ին, սակայն պատգամավորները հրաժարվում են վավերացնել համաձայնագիրը՝ պնդելով, որ այն չի բխում Միացյալ Թագավորության շահերից:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026