«Նման բաներ բոլոր թանգարաններում եղել են». Փարավոն Միրզոյանը՝ «Այծեմարդը սրինգով» քանդակի անհետացման մասին

Նման բաներ բոլոր թանգարաններում եղել են: Այս մասին NEWS.am-ի հետ զրույցում նշեց Հայաստանի ազգային պատկերասրահի նախկին տնօրեն Փարավոն Միրզոյանը՝ անդրադառնալով փաստին, որ տարիներ առաջ Հայաստանի ազգային պատկերասրահից անհետացել էր 19-րդ դարի անհայտ քանդակագործի «Այծեմարդը սրինգով» քանդակը:

«Այծեմարդը սրինգով» քանդակը 10 սմ ձուլվածք էր, 1000 դոլար արժեքով։ Նման բաներ բոլոր թանգարաններում եղել են, լինում են, մենք մշակույթի նախարարություն ներկայացրել ենք դա, գաղտնիք չենք պահել»,– ասաց նա։

Հիշեցնենք, որ տարիներ առաջ մամուլում շրջանառվում էր, որ Պատկերասրահից 10 արձանիկ է անհետացել, որ ինչ–ինչ ճանապարհներով արվեստի գործեր են երկրից դուրս գալիս և այլն։