Բրազիլիայում բանկի թալանի 11 մասնակից է սպանվել

Բրազիլական Գուարարեմա քաղաքի շրջանում բանկի թալանի մասնակից 11 անձ սպանվել է ոստիկանների հետ փոխհրաձգության ժամանակ։ Այս մասին հայտնում է Սան Պաուլու նահանգի վարչակազմը։

Հատուկ գործողության ընթացքում ձերբակալվել է 1 մարդ, մյուս կասկածյալների որոնումները շարունակվում են։ Թալանչիների հստակ թիվը հայտնի չէ։

Փոխհրաձգությունը սկսվել է, երբ ռազմական ոստիկանության 25 հոգանոց ջոկատը փորձել է ձերբակալել մի խումբ զինված անձանց, ովքեր հարձակում էին կազմակերպել նույն փողոցի վրա գտնվող 2 բանկերի վրա։ Խուզարկության ժամանակ դեպքի վայրում հայտնաբերվել է 7 հրացան, 4 ատրճանակ, զրահաբաճկոններ և պայթուցիկ։