Մի շիշ արաղով լուծվող հարցերն ըստ վարչապետի

ՀՀ Կառավարության այսօրվա նիստում ՀՀ վարչապետ Նիկոլ Փաշինյանը գյուղատնտեսության ոլորտով զբաղվող հայրենակիցներին խնդրեց դասընթացների պահանջը չթերագնահատել։

«Որովհետև դա շատ կարևոր է, ի վերջո, մեր ռազմավարական ուղղություններից մեկը իմացությունների, գիտելիքների շարունակական զարգացումն է», – ասաց նա։
Նիկոլ Փաշինյանը ՀՀ գյուղատնտեսության նախարարի պարտականությունները կատարող Գեղամ Գևորգյանին հորդորեց դասընթացների պատշաճ մակարդակը ապահովել։«Դրանք չպետք է լինեն ձևական, չլինեն «պտիչկա» դնելու համար», – նշեց վարչապետը։

«Մեր ամենամեծ դժբախտություններից մեկը եղել է այն, որ վարոդական իրավունք, կոմբայնի իրավունք, տրակտորի իրավունք, վերամբարձ կռունկի իրավունք, այդ ամեն ինչը եղել է երբեմն մի շիշ արաղով լուծվող հարց, ու մենք չենք գիտակցել, որ դա մեր բոլորիս անվտանգության հետ է կապված, այդ թվում, այն մարդու, ով ստանում է այդ վկայականը, մենք այդ շղթան պետք է ֆիկտիվ տրամաբնությունից դուրս բերենք, պարոն Օսիպյան, այստեղ ոստիկանությունն էլ գործ ունի», – ընդգծեց Նիկոլ Փաշինյանը։