Ավազակային հարձակում Երևանի սննդի կետերից մեկում

Ապրիլի 2-ին ոստիկանության Երևան քաղաքի վարչության քրեական հետախուզության բաժնի ծառայողները, ստացված օպերատիվ տեղեկություններն իրացնելով, ոստիկանության Երևան քաղաքի վարչություն են բերման ենթարկել Աբովյան քաղաքի Չափիչի փողոցի բնակիչ, 28-ամյա Կորյուն Մխիթարյանին:

Ինչպես հայտնում է Shamshyan.com-ը՝ հղում անելով սեփական աղբյուրներին, վերջինս կասկածվում է, որ երեկ՝ ապրիլի 1-ին՝ գիշերը ժամը 05:00-ի սահմաններում, Երևան քաղաքի կենտրոն վարչական շրջանի Կորյունի փողոցի 11 հասցեում գործող արագ սննդի կետում դանակի սպառնալիքի տակ կատարել է ավազակային հարձակում:

Կատարված ավազակային հարձակման մասին սննդի կետի աշխատակիցները չէին տեղեկացրել իրավապահներին, իսկ տեղեկությունները Երևան քաղաքի ոստիկանության քրեական հետախուզության բաժնում օպերատիվ տվյալներով են ստացված եղել, ու դանակով զինված ու դիմակավորված ստահակին հայտնաբերելու և վնասազերծելու օպերացիան ղեկավարել է ոստիկանության Երևան քաղաքի վարչության պետ, ոստիկանության գնդապետ Գարիկ Ղուկասյանը: Փաստի առթիվ ոստիկանության կենտրոնական բաժնի հետաքննչական բաժանմունքում նյութեր են նախապատրաստվում:

Ամբողջությամբ՝ սկզբնաղբյուր կայքում:

Այս թեմայով Շտապօգնության ավտոմեքենան Թեղուտի մոտ կողաշրջվել է. բուժքույրը տեղափոխվել է հիվանդանոց Մшհվան ելքով վրաերթ՝ Երևանում Վիճաբանություն և ծեծկռտուք Սյունիքի մարզում․ կան վիրավորներ Նուբարաշենում բռնկված հրդեհի հետևանքով այրվածքներ ստացած եղբայրներից մեկը մահացել է 15-ամյա տղան վնասվածք է ստացել սառած գետնի վրա սայթաքելու և կոտրված ապակյա շշերի վրա վայր ընկնելու հետևանքով