Ճապոնիայի ամենահին բանտը կվերածվի հյուրանոցի

Ճապոնիայի ամենահին բանտը հիմնովին կփոխվի: Հիմնանորոգում կկատարվի ողջ բանտում, իսկ բանտախցերը կդարձնեն հյուրանոցային համարներ: 2021 թվականին բանտը կվերաբացի իր դռները` որպես հյուրանոց, հաղորդում է News On Japan կայքը:

«Նարա» անվանումով հայտնի պատմական բանտում կատարվող վերափոխումը կարժենա մոտ 136 միլիոն դոլար: Դրանում ներառված են նաև շենքի սեյսմակայունությունը բարձրանող ամրացումները:

Ինժեներների մտահղացումներով` հյուրանոցը կունենա մի քանի տասնյակ համարներ: Այդ սենյակները կլինեն շատ բաբձր առաստաղներով, իսկ պահակախմբի սենյակները կվերածվեն ընդհանուր տարածքների: Հյուրանոցային համարում մեկ գիշերվա արժեքը կարող է տատանվել 450-725 դոլարի սահմաններում:

Անչափահասների համար 2017 թվականից օգտագործվող բանտային շենքն ունի պատմական նշանակություն: Սա առայժմ միակ բանտն է Ճապոնիայում, որը կվերածվի հյուրանոցի: