Ուկրաինայում քվեարկել են նախագահության բոլոր առաջատար թեկնածուները
Ուկրաինայի նախագահական ընտրությունների քվեարկությանը արդեն իսկ մասնակցել են հաղթանակի շանսերը պահպանող երեք թեկնածուները:
Ընտրարշավի առաջատար Վլադիմիր Զելենսկին իր քվեարկությունը հեռարձակել է «Ֆեյսբուք»-ի ուղիղ եթերում: Քվեախցից դուրս գալուց հետո Զելենսկին հայտարարել է, որ իր քվեն տվել է «արժանի մի մարդու օգտին»:
Կեսօրին մոտ Կիևում գտնվող ընտրատեղամասերից մեկում քվեարկել է նաև Ուկրաինայի գործող նախագահ Պյոտր Պորոշենկոն: «Ես այսօր, ինչպես և իմ ընտանիքը և ուկրաինացիների մեծամասնությունը, քվեարկել եմ Ուկրաինայի օգտին: Այս քվեարկությունը մեր առաջընթացի, Ուկրաինայի` եվրոպական ազգերի ընտանիք վերադարձի, Եվրամիությանը և ՆԱՏՕ-ին անդամակցելու անհրաժեշտ պայման է»,- նշել է Պորոշենկոն:
«Մենք այսօր անցում ենք կատարել գարնանային ժամանակի: Համոզված եմ, որ մենք նույն կերպ անցում կկատարենք դեպի հաջողակ, բարգավաճ, եվրոպական Ուկրաինա»,-Կիևի Պոդոլ շրջանում գտնվող տեղամասերից մեկում քվեարկությունից հետո հայտարարել է նախագահի թեկնածու, նախկին վարչապետ Յուլիա Տիմոշենկոն:
Ուկրաինայի տարածքում գտնվող ընտրատեղամասերի դռները կփակվեն Երևանի ժամանակով ժամը 21-ին:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Մահացել է Երևանի նախկին քաղաքապետ Ռոբերտ Նազարյանը
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Հունվարի 27-ը Հայրենիքի պաշտպանության համար զոհվածների հիշատակի օրն է
Հայաստանը խաղադրույք է կատարում ոչ թե պարզապես տեխնոլոգիաների, այլ գիտության, կրթության և ԱԲ տնտեսու...
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Ժամանակավորապես կդադարեցվի հետևյալ հասցեների էլեկտրամատակարարումը
Ի՞նչ են փնտրում հայաստանցիները