Մեծ Բրիտանիայի ամենածեր բնակիչը բացահայտել է իր երկարակեցության գաղտնիքը

Մեծ Բրիտանիայի ամենածեր բնակիչ Բոբ Ուեյթոնը խոստովանել է, որ 111 տարի ապրել է այն բանի շնորհիվ, որ «ուղղակի խուսափել է մահվանից»։ Այս եւ իր երկարակեցության այլ գաղտնիքների մասին նա պատմել է Sky News-ին։

«Ես, ինչպես բոլորն, ունեցել եմ վախեր, մրսածություններ, գրիպ, մալարիա, ես տարել եմ երկու թե երեք վիրահատություն»,- ասել է նախկին ուսուցիչն ու ինժեները։

Ուեյթոնը վստահ է, որ վաղուց կմահանար, եթե չլիներ պայքարողի իր բնույթը։ Պատասխանելով իր երկարակեցության գաղտնիքի մասին հարցին, պապիկն ասել է, թե իրեն օգնել են շիլան եւ աշխատանքը, որոնք հաճույք են պատճառում։ Նույնիսկ այժմ նա փայտյա իրեր է պատրաստում եւ վաճառում դրանք, ինչպես նաեւ ինքն է գնում առեւտուր անելու։ Երեկվանից նա դա անում է «Բոբ, 111» պաստառով, քանի որ մարտի 29-ին նրա ծննդյան օրն է։

Ուեյթոնը երկու որդի ունի, տասը թոռ եւ 25 ծոռ։ Նա խոստովանել է, որ իր հանդեպ ավելորդ ուշադրություն չի սիրում եւ նույնիսկ դիմել է խնդրանքով, որ Ելիզավետ II թագուհին ծննդյան օրն իրեն բացիկ չուղարկի։ Բրիտանացին նախկինում մտորում էր 111-ի վրա կանգ առնելու մասին, սակայն այժմ ապագայի մասին է մտածում