Բարձարագույն դատական խորհորդը որոշել է կասեցնել դատավոր Գագիկ Հեբոյանի լիազորությունները

Բարձարագույն դատական խորհորդը (ԲԴԽ) որոշել է կասեցնել դատավոր Գագիկ Հեբոյանի լիազորությունները մինչև վերջինիս նկատմամբ հարուցված քրեական գործով վարույթի ավարտը։

Բարձրագույն դատական խորհրդի մամուլի և հասարակայնության հետ կապերի ծառայությունը տեղեկացնում է, որ այսօր ԲԴԽ-ն դռնփակ նիստում որոշել է բավարարել Գլխավոր դատախազ Արթուր Դավթյանի կողնից ներկայացրած Կոտայքի մարզի առաջին ատյանի ընդհանուր իրավասության դատարանի դատավոր Գագիկ Հեբոյանի նկատմամբ քրեական հետապնդում հարուցելու և ազատությունից զրկելու համաձայնություն տալու վերաբերյալ միջնորդությունը։

Հեբոյանը ձերբակալվել է մարտի 27-ին՝ Ազգային անվտանգության ծառայությունում (ԱԱԾ)-ում հարուցված քրեական գործի շրջանակներում։ Գործը երեկ ուղարկվել է Հատուկ քննչական ծառայություն (ՀՔԾ)։

ԱԱԾ-ն ավելի վաղ հայտնել էր, որ իրականացված օպերատիվ-հետախուզական միջոցառումների արդյունքում Ազգային անվտանգության ծառայության աշխատակիցների վերահսկողության ներքո կաշառքի գումարը հանցակից փաստաբանի միջոցով փոխանցվել է դատավորին, որից անմիջապես հետո ստացված գումարը վերջինիս մոտ հայտնաբերվել և վերցվել է: ԱԱԾ-ն քրեական գործ է հարուցել դատավորի կողմից առանձնապես խոշոր չափերով կաշառք ստանալու, վերջինիս օժանդակելու և առանձնապես խոշոր չափերով կաշառք տալու դեպքերի առթիվ։