Պորոշենկոն պարտվելու դեպքում կանվանափոխի կուսակցությունըւ եւ կգնա Ռադա
Ուկրաինայի նախագահ Պյոտր Պորոշենկոն մարտի 31-ի կամ ապրիլի 21-ի ընտրություններին պարտվելու դեպքում, կմասնակցի Գերագույն Ռադայի ընտրություններին, հաղորդում է «Ուկրաինսկայա պրավդան»:
Նախագահի թիմում վստահ են, որ անկախ քվեարկության արդյունքներից՝ Պորոշենկոն կմնա քաղաքականությունում:
«Պյոտրն այն մարդը չէ, որը հենց այնպես անհետանա: Մյուսների համեմատ՝ նա բավականին երիտասարդ է եւ նա դեռ ունի հավակնություններ, որոնցից չի հրաժարվի», - ասել է գործող նախագահի շտաբի անդամը:
Պորոշենկոյի նկարագրված նախընտրական «ցանցը» կառուցում են միանգամից «թիրախ» դարձնելով եւ նախագահական եւ խորհրդարանական ընտրությունները:
Հաղորդվում է, որ Պորոշենկոն պատրաստվում է Ռադայի ընտրություններին գնալ «Պյոտր Պորոշենկոյի «Համերաշխություն» դաշինք» կուսակցության առաջին համարով: Բայց մինչ այդ կուսակցությունը կանվանափոխեն: Անվանումից կհանեն Պորոշենկոյի մասին հիշատակումը եւ կթողնեն միայն «Համերաշխությունը»:
Նախագահի շրջապատի զրուցակիցների խոսքով՝ նրա համար առավել անցանկալի տարբերակ է պարտությունն առաջին փուլում:
«Ավելի ցավոտ կլինի առաջին փուլում պարտվելը: Դա նշանակում է, որ բոլորը պետք է հավաքեն ճամպրուկները եւ մասնագիտական անպետքության պատճառով երկարատեւ արձակուրդ գնան: Երկրորդ փուլում պարտվելը հաճելի չի լինի, սակայն առաջին փուլի պարտությունը պարզապես աղետ կլինի», - խոստովանել է Պորոշենկոյի շտաբի անդամներից մեկը:
Ընտրություններին հաղթանակի դեպքում Պորոշենկոն ցանկանում է իր կուսակցության ցուցակի առաջին համարն առաջարկել վարչապետ Վլադիմիր Գրոյսմանին:
Ըստ գործող նախագահի ծրագրի՝ «Համերաշխությանը» պետք է միանան նաեւ Ռադայի խոսնակ Անդրեյ Պարուբիյը եւ Ուկրաինայի Ազգային անվտանգության եւ պաշտպանության քարտուղար Ալեքսանդր Տուրչինովը: Նա մտադիր է նաեւ պահել Վիտալի Կլիչկոյի «Հարված» խումբը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026