Ղազախստանի մայրաքաղաքի անվանափոխման կողմնակիցների ու հակառակորդների միջև քաշքշուկ է տեղի ունեցել
Ղազախստանում մայրաքաղաք Աստանայի՝ երկրի առաջին նախագահ Նուրսուլթան Նազարբաևի պատվին Նուրսուլթան անվանափոխելու կողմնակիցներն ու հակառակորդները քաղաքապետարանի շենքի առաջ ծեծկռտուք են սարքել, գրում է Sputnik գործակալության ղազախական տարբերակը:
Ոստիկանությունը միջամտել է ծեծկռտուքին՝ ձերբակալելով բողոքի ակցիա իրականացնող մոտ 20 մարդու:
Ավելի վաղ երկրի քաղաքացիներն առցանց խնդրագիր էին ստեղծել՝ պահանջելով չեղարկել Աստանան անվանափոխելու որոշումը: Խնդրագիրն ավելի քան 32 հազար մարդ է ստորագրել:
Հարցի շուրջ ստեղծված տարաձայնությունների ֆոնին գործակալությունը Ղազախստանի բնակիչների շրջանում հարցում է անցկացրել՝ պարզելու Աստանան վերանվանելու շուրջ նրանց դիրքորոշումը:
Հիշեցնենք, որ երկրի առաջին նախագահ Նուրսուլթան Նազարբաևի պատվին Աստանան վերանվանելու առաջարկն արվել էր մարտի 20-ին՝ երկրի նորանշանակ նախագահ Քասիմ Ժոմարտ Տոկաևի կողմից: Նույն օրը երկրի խորհրդարանն ընդունել էր համապատասխան որոշումը:
1997թ.-ին Ղազախստանի մայրաքաղաքը Ալմաթիից տեղափոխվել է Ակմոլա, որը 1998թ.-ին Աստանա է վերանվանվել:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
ՀՀ ԱԺ արտահերթ նստաշրջան - 02.07.2026
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը