Լոնդոնը մինչև մարտի 21-ը կդիմի ԵՄ-ին՝ «Բրեքզիթ»-ի հետաձգման պահանջով
Լոնդոնը մինչև մարտի 21-ը պաշտոնապես կդիմի Եվրամիությանը՝ «Բրեքզիթ»-ի հետաձգման պահանջով, այս մասին հայտարարել է բրիտանական կառավարության խոսնակը:
«Մեծ Բրիտանիայի վարչապետ Թերեզա Մեյը երեքշաբթի կամ չորեքշաբթի օրը պաշտոնապես կդիմի Եվրոպական խորհրդի նախագահ Դոնալդ Տուսկին «Բրեքզիթ»-ը հետաձգելու խնդրանքով», - ասել է Լորա Կյունսբերգը:
Ակնկալվում է, որ պաշտոնական Լոնդոնը կխնդրի Եվրամիությունից Մեծ Բրիտանիայի դուրս գալու գործընթացը հետաձգել մինչև հունիսի 30-ը, սակայն այնպիսի ձևակերպմամբ, որ անհրաժեշտության դեպքում «Բրեքզիթ»-ը հետաձգվի ավելի երկար ժամկետով՝ ընդհուպ մինչև երկու տարի:
Թե՛ Բրյուսելը, թե՛ դաշինքի անդամ երկրների առաջնորդները բազմիցս ասել են, որ սկզբունքորեն դեմ չեն «Բրեքզիթ»-ի ժամկետների երկարաձգմանը, սակայն իրենց համար անհասկանալի է, թե հատկապես ինչ է հասցնելու այդ ընթացքում անել Մեյի կաբինետը:
Անցյալ շաբաթ Մեծ Բրիտանիայի խորհրդարանը կառավարությանը հանձնարարել է «Բրեքզիթ»-ի ժամկետները հետաձգելու հարցով դիմել Եվրամիությանը: Մինչ այդ պատգամավորները երկու անգամ տապալել են Եվրամիությունից դուրս գալու մասին համաձայնագիրը` չնայած դրանում կատարված սկզբունքային փոփոխություններին, իսկ հետո ամբողջովին արգելել են Եվրամիությունից դուրս գալ առանց պայմանավորվածությունների:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Մահացել է Երևանի նախկին քաղաքապետ Ռոբերտ Նազարյանը
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Հունվարի 27-ը Հայրենիքի պաշտպանության համար զոհվածների հիշատակի օրն է
Հայաստանը խաղադրույք է կատարում ոչ թե պարզապես տեխնոլոգիաների, այլ գիտության, կրթության և ԱԲ տնտեսու...
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
17-ամյա Աննա Զաքարյանը որոնվում է որպես անհետ կորած
Ի՞նչ են փնտրում հայաստանցիները