ՄԱԿ. Հայաստանի բնապահպանության նախարարությունը բնապահպանական քաղաքականության ռազմավարական տեսլական ունի
Հայաստանի ԱԻՆ-ին աջակցության նախագծի տրամաբանությունը կլիմայի փոփոխությունների բացասական հետեւանքների կանխմանն աջակցելն է։ Այս մասին մարտի 17-ին «Խոսրովի անտառ» ազգային արգելոցում, «Հայաստանում կլիմայի փոփոխությունների հետեւանքների մեղմումը անտառային եւ դաշտային հրդեհների կառավարման ներուժի զարգացման ճանապարհով» ՄԱԿ Զարգացման ծրագրի շրջանակում ասել է Հայաստանում ՄԱԿ Զարգացման ծրագրի մշտական ներկայացուցիչ Դմիտրի Մարիասինը։
Նրա խոսքով՝ հենց Ռուսաստան-ՄԱԿ ԶԾ թրաստային ֆոնդի կլիմայական պատուհանի շրջանակում է հատկացվել ֆինանսավորումը նախագծի իրականացման համար։
«Սա այն դեպքն է, որբ մենք ոչ թե պարզապես խոսում ենք կլիմայի փոփոխության նշանակալիության մասին, այլ նաեւ ջանում ենք ինչ-որ կոնկրետ բան անել, որպեսզի երկիրը կարողանա ավելի արդյունավետ հաղթահարել երբեմն եղանակային անկանխատեսելի երեւույթների հետեւանքները, որոնցից շատերը կապված են կլիմայական փոփոխությունների հետ»,- ընդգծել է Մարիասինը։
Միաժամանակ, նա նշել է, որ այս համագործակցությունն ավելի լայն ծրագրի մի մասն է, որը վարում է Հայաստանի բնապահպանության նախարարությունը։
«Նախարարությունն այս հատվածի երկարաժամկետ եւ ռազմավարական տեսլական ունի. բնապահպանական քաղաքականության զարգացում, շրջակա միջավայրի պաշտպանության հարցերով զբաղվող ինստիտուտների որակի բարձրացում համաշխարհային մակարդակի, եւ սա նույնպես մի բաղադրիչ է այս աշխատանքում։ Ուստի, ես ցանկանում են շնորհակալություն հայտնել Հայաստանի բնապահպանության նախարարությանը եւ անձամբ նախարար Էրիկ Գրիգորյանին այն մշտական աջակցության համար, որը մենք զգում ենք, այդ թվում եւ գլոբալ մակարդակով»,- ասաց Հայաստանում ՄԱԿ Զարգացման ծրագրի ներկայացուցիչը։
Հարկ է նշել, որ այս ծրագրի շրջանակում հայաստանցի 360 հրշեջ հատուկ սարքավորումներ եւ գործիքներ է ստացել, որոնք նախատեսված են անտառային հրդեհների դեմ պայքարի համար դժվարհասանելի վայրերում։ Ծրագրի ընդհանուր գումարը կազմում է մոտ 1 միլիոն դոլար։ Ծրագիրն իրականացվել է ՄԱԿ գծով եւ լիովին ֆինանսավորվել Ռուսաստանի Դաշնության կողմից՝ Հայաստանում Ռուսաստանի դեսպանության, ինչպես նաեւ Հայաստանի բնապահպանության եւ արտակարգ իրավիճակների նախարարությունների ակտիվ աջակցությամբ։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
ՀՀ ԱԺ արտահերթ նստաշրջան - 02.07.2026
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել