Չինաստանում կարող են փակել մուսուլմանների «վերադաստիարակման» ճամբարները
Չինաստանի Սինցզյան-Ույղուրական ինքնավար շրջանում կարող են փակել, այսպես կոչված, մասնագիտական վերապատրաստման ճամբարները, որտեղ զանգվածային կերպով մուսուլմաններ են պահվում: Այս մասին հայտարարել է շրջանի ղեկավար Շոհրաթ Զաքիրը:
«Ճամբարների քանակն աստիճանաբար կկրճատվի, դրանցում մարդկանց թիվը՝ նույնպես: Եթե գա ժամանակ, երբ վերապատրաստումների հանրային կենտրոնների անհրաժեշտություն այլևս չլինի, դրանք աստիճանաբար կվերանան»,- ասել է նա:
Զաքիրը Չինաստանի իշխանությունների առաջին ներկայացուցիչն է, որը բացահայտ հայտարարել է մուսուլմանների ճամբարի՝ ժամանակավոր միջոցառում լինելու մասին: Նա չի նշել այնտեղ պահվող մարդկանց հստակ թիվը, սակայն ասել է, որ այն չի գերազանցում մեկ միլիոնը:
Ճամբարները միջազգային հանրության ուշադրության կենտրոնում էին հայտնվել այն բանից հետո, երբ տեղեկություններ էին տարածվել դրանցում քաղաքական «վերադաստիարակման» համար գրեթե մեկ միլիոն ույղուրների և մուսուլմանական այլ ազգությունների ներկայացուցիչների գտնվելու մասին:
Պեկինը հայտարարել է, որ նման ճամբարները ծայրահեղականությանը դիմակայելու ծրագրի մաս են կազմում և որ դրանցում պահվող անձանց օգնում են գործնական հմտություններ ձեռք բերել, մինչդեռ «վերադաստիարակման» ծրագիրն անցած մարդիկ պնդում են, որ իրենց այնտեղ խոշտանգումների են ենթարկել:
Չինաստանի իշխանությունները երկար ժամանակ հերքում են նման ճամբարներում մուսուլմանների հարկադիր բանտարկությունը և այդ մասին առաջին անգամ խոսել են միայն 2018թ.-ի հոկտեմբերին:
Իշխանությունների խոսքով՝ Սինցզյան-Ույղուրական ինքնավար շրջանի՝ իսլամ դավանող բնակիչների միջոցով Պակիստանի և Աֆղանստանի իսլամիստների ծայրահեղական տրամադրությունները Չինաստան են ներթափանցում, և շրջանում ձեռնարկված նման միջոցառումն ուղղված է ահաբեկչությանը դիմակայելուն և մահմեդական բնակչության վերահսկմանը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
ՀՀ ԱԺ արտահերթ նստաշրջան - 02.07.2026
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել