Տնտեսական հեղափոխությունը եւ բեռնափոխադրումների ծավալների նվազումը
Խորհրդային տարիներին ասում էին կոմունիզմ ենք կառուցում եւ կառուցում էին: Այնքան էին կառուցում, որ այդ կառուցումը միայն ծիծաղ էր առաջացնում: Ասում էին հնգամյակը՝ երեք տարում եւ կաթի մեջ ջուր էին լցնում կամ պարզապես սուտ թվեր էին հրապարակում:
Հիմա ասում են, թե տնտեսական հեղափոխություն ենք անում: Բնականաբար հիմա դեռ կգտնվեն միամիտներ, ինչպես խորհրդային տարիներին, որոնք կհավատան այդ հեղափոխությանը, բայց երբ հերթական անգամ բախվեն իրենց վարկային ծանր պատմությանը եւ դատարկ սառնարաններին, լավագույն դեպքում կսկսեն հումորով վերաբերվել այս ամենին, իսկ վատագույն դեպքում՝ զայրույթով:
Տնտեսական հեղափոխության վիճակագիրները մեզ համոզում են, որ այս տարվա հունվարին նախորդ տարվա հունվարի համեմատ մեծածախ առեւտրի շրջանառությունն աճել է 31․4 տոկոսով։
Այստեղ տեղին է հիշել հետեւյալ խոսքերը՝ կա սուտ, նենգ սուտ եւ վիճակագրություն: Իհարկե, հրապարակելով նման թվեր հանրությանը ցանկանում են ապացուցել, որ մենաշնորհները վերացել են, կոռուպցիան վերացել է, տնտեսական դաշտն այնքան ազատ է, որ մեծածախ առեւտրում հեղափոխական տեղաշարժեր են սկսվել:
Ուզում ենք հավատալ, բայց հետո միամիտաբար հանդիպում ենք նույն հեղափոխական վիճակագիրների հրապարակած մեկ այլ թվին: Պարզվում է, որ նույն ժամանակահատվածում բեռնափոխադրումների ծավալը նվազել է մոտ 68 տոկոսով։
Ափսոս, իսկ սկիզբն այնքան լավ էր, որ քիչ էր մնում հավատայինք, որ այլեւս օլիգարխներ չկան, որ տնտեսությունն ազատականացվել է, որ մոնոպոլիստներ չկան, որ տնտեսական կյանքն աշխուժացել է:
Խորհրդային տարիներին գոնե այնպես էին անում, որ վիճակագրությունը բացառապես հիսաքանչ էր, հեղափոխական, բացթողումներ չէին անում: Հիմա այս թվերը գցեցին մեր տրամադրությունը եւ ստիպեցին մտածել, որ մեծածախ առեւտրով զբաղվողները բեռնափոխադրումներն իրականացնում են բացառապես հեծանիվներով՝ հեղափոխական հեծանիվներով:
Իսկ դուք ասում եք տնտեսական հեղափոխություն: Մի՞թե տնտեսական հեղափոխությունը միայն վիճակագրությամբ, այն էլ թերի վիճակագրությամբ են անում կամ ակցիզային հարկ բարձրացնելով, փորձելով շուկայից դուրս մղել հատուկենտ համառների, որոնք շարունակում են դիմադրել «գայլերին»:
Վարդան Մխիթարյան
Top-News.am
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Զորականում ուսանողին ծեծի ենթարկած դեռահասներն ազատության մեջ են
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
54-ամյա Քրիստինա Օրբակայտեն լողազգեստով ցուցադրել է կազմվածքը
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Աշակերտները ծեծի են ենթարկել և նվաստացրել Նոյեմբերյանի պետական քոլեջում սովորող տղային. նրանք ձերբակ...
Ով մեզ հետ չի, առնվազն դավաճան է