781 մլն դոլար. շքեղ Costa Venezia կրուիզային նավն ավելի քան 50-օրյա ուղևորություն է սկսել դեպի Ճապոնիա (լուսանկարներ)

Իտալական արտադրության Costa Venezia շքեղ կրուիզային նավը, որն արժե 781 մլն դոլար, 52-օրյա ուղևորություն է սկսել Իտալիայից դեպի Ճապոնիա:

Ինչպես նշում է Daily Mail-ը, նավի սեփականատեր Costa Cruises ընկերությունը Costa Venezia-ով մտադիր է թիրախավորել նախևառաջ Չինաստանի զբոսաշրջային ոլորտը, որը բավական հեռանկարային է: Ենթադրվում է, որ 2030թ. դրությամբ այն կհասնի տարեկան 20 մլն մարդ ցուցանիշի:

Նավն ունի 324 մ երկարություն, այն նախատեսված է 5260 ուղևորի, ինչպես նաև 1278 հոգանոց անձնակազմի համար:

Նշվում է, որ Costa Venezia-ն ունի լիարժեք հանգստի համար բոլոր պայմանները, ռեստորաններ, սրճարաններ, խաղասրահներ, կարաոկեներ, խանութներ, կինոթատրոններ և այլն: Հատկանշական է, որ նավի հարմարություններն առավելագույնս հարմարեցվել են չինացի զբոսաշրջիկների նախասիրությունների համաձայն:

Նավն ուղևորություններ կիրականացնի միայն Ասիայի տարածաշրջանում: