Գերմանիան պատրաստ է 5 մլն եվրոյի օգնություն տրամադրել Վենեսուելայի բնակչությանը
Գերմանիան պատրաստ է 5 մլն եվրոյի օգնություն տրամադրել Վենեսուելայի բնակչությանը։ Այս մասին Redaktionsnetzwerk Deutschland մեդիախմբի հրատարակչություններին հայտարարել է երկրի տնտեսական համագործակցության եւ զարգացման հարցերով նախարար Գերդ Մյուլլերը՝ հայտնում է «Գերմանական ալիք»-ը։
Նման քայլը հնարավոր կլինի, երբ «տեղում պայմանները թույլ տան», հավելել է նա։ Մյուլլերի խոսքերով, Վենեսուելայի նախագահ Նիկոլաս Մադուրոն պետք է «դադարեցնի ցանկացած բռնություն եւ թույլ տա երկիր հումանիտար օգնության առաքումը»։
Պաշտոնական Կարակասին անհրաժեշտ է բացել ազատ ընտրությունների ճանապարհը՝ ընդգծել է նախարարը՝ հավելելով, որ հակառակ դեպքում հարավամերիկյան այդ երկրում ճգնաժամը կխորանա եւ քաղաքացիական պատերազմի վտանգ կառաջանա։ Վենեսուելական իշխանություններին ուղղված նման կոչով է հանդես եկել նաեւ ԳԴՀ ԱԳ նախարար Խայկո Մասը։
Փետրվարի 28-ին ՄԱԿ ԱԽ-ն չկարողացավ ընդունել Վենեսուելայի հարցով բանաձեւը, որը կոչ էր անում երկրում նոր նախագահական ընտրություններ անցկացնել։ Ռուսաստանը եւ Չինաստանը վետո էին դրել ԱՄՆ-ի կողմից առաջարկված փաստաթղթի վրա, որը մնացած բաների թվում կոչ էր անում Կարակասին հանել հումանիտար օգնության հասանելիության սահմանափակումները։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...