ԵՏՄ-ն սկսում է ավելի շատ քաղաքականացվել. Լուկաշենկո
Եվրասիական տնտեսական միությունը սկսում է ավելի շատ քաղաքականացվել: Այս մասին հայտարարել է Բելառուսի նախագահ Ալեքսանդր Լուկաշենկոն, փոխանցում է ԲԵԼՏԱ-ն:
«Անկեղծ ասած՝ ես մեծ հույսեր չեմ փայփայում Եվրասիական տնտեսական միության առումով: Չափից ավելի շատ են լարվածությունը, տարաձայնությունները եւ, որը միանգամայն անընդունելի է, տնտեսական միությունը սկսում է ավելի շատ քաղաքականացվել»,- ասել է Ալեքսանդր Լուկաշենկոն:
Նա ուշադրություն է դարձել առեւտրային հարաբերություններում ահռելի քանակությամբ առգրավումներին եւ ԵՏՄ շրջանակում, ըստ էության, ընդունված որոշումների չկատարմանը:
«Իսկ եթե այս կամ այն խնդրի լուծման համար ողջամիտ առաջարկ ենք կատարում, ապա այդ որոշումն այն աստիճանի ենք բովանդակազրկում, որ այն ոչ մի նշանակություն չունի: Նույնիսկ ազատ տեղաշարժը, տնտեսության մեջ ապրանքների, կապիտալի, մարդկանց համար սահմանների բացակայությունը եւ այլն, յուրաքանչյուր երկիր փորձում է շրջանցել եւ այդ շարժումն արգելափակել. այն, ինչն ընդհանրապես այս միության համար աքսիոմա է: Եվ այնտեղ մեզ մոտ խնդիրներ են առաջանում»,- նշել է նա:
Բելառուսի նախագահի խոսքով՝ վեճեր կան Ղազախստանի եւ Ղրղզստանի միջեւ, որոնք մինչեւ հիմա մի շարք ուղղություններով չեն վերացել: Բելառուսի եւ Ռուսաստանի միջեւ նույնպես խնդիրներ կան: Առեւտրային ռեժիմից հանվել են ապրանքների շատ խմբեր, դա հատկապես վերաբերում է նավթին ու գազին. մինչեւ 2025 թվականը որոշումներ կմշակվեն: «Չափից ավելի շատ ազգային էգոիզմ կա. Ամերիկային քննադատելիս այսպես են ասում ռուսաստանցի քաղաքական գործիչները: Մեզ մոտ նույն բանն է»,- նշել է Լուկաշենկոն:
Խոսելով ԵՏՄ-ում Բելառուսի ապագա նախագահության մասին՝ նա նշել է, որ առանձնապես ինչ-որ ճեղքման հույս չունի, քանի որ բոլոր որոշումներն ընդունվում են կոնսենսուսով: Այս պատճառով մեկ պետության դիրքորոշումից, թեկուզ եւ ամենախոշոր, դժվար թե ինչ-որ բան կախված լինի, եթե անգամ մեկ պետություն դեմ լինի: Իսկ ստեղծված միտումները մեծ հույսեր չեն տալիս, հավելել է նա: Ալեքսանդր Լուկաշենկոն հատուկ ընդգծել է, որ մեր երջանկությունը միայն մեր ձեռքերում է:
«ԵՏՄ-ից մի շարք պետություններ չափազանց կապված են այլ ուժի կենտրոններին, կողմնորոշված են դեպի այլ պետություններ եւ միություններ: Դա այսօր չի առաջացել: Որոշ երկրներ հարաբերություններ են հաստատել դեռեւս մինչեւ ԵՏՄ-ի ստեղծումը: Խնդիրները շատ են, ուստի մենք պետք է հասկանանք, որ կգործենք բացառապես ըստ կնքված պայմանագրերի ու համաձայնագրերի, կաշխատենք առաջ մղել ավելի խորը ինտեգրացիա եւ հնարավորինս առաջ հրել՝ ոչ միայն այն պատճառով, որ կապված ենք այդ ինտեգրացիային, այլեւ այն պատճառով, որ այն մեր օգտին է»,- ամփոփել է Ալեքսանդր Լուկաշենկոն:
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Գարեգին Երկրորդի եղբոր կալանքը 2 ամսով երկարաձգվեց
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Էստոնիան այս տարի պլանավորում է դեսպանություն բացել Երևանում
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...