Վենեսուելայի նախկին գանձապետի ցուցահանդեսային ձիերը ավելի քան 2 մլն դոլարով են վաճառվել

Ցուցահանդեսային ձիերը, որոնք մի ժամանակ պատկանել են Վենեսուելայի նախկին ազգային գանձապետին, վաճառվել են ավելի քան 2 մլն դոլարով՝ հայտնում է AP-ն։

54-ամյա Ալեխանդրո Անդրադեն տասնամյա ազատազրկման պատիժ է կրում ԱՄՆ-ում՝ 1 միլիարդ դոլարի կաշառակերության սխեմային մասնակցելու համար։

The Palm Beach Post-ը հայտնում է, որ Ֆլորիդայում Անդրադեին պատկանող 14 ձիերը առցանց աճուրդով 2,086,500 դոլար են բերել։ Hardrock Z անունով հովատակը, որով Անդրադեի որդին մասնակցել է 2016թ․ ամառային օլիմպիական խաղերին, ամենաբարձրն է գնահատվել՝ 282 000 դոլար։

Վաճառքից ստացված եկամուտը կփոխանցվի ԱՄՆ գանձապետարանին։

Առանձին աճուրդներ կկազմակերպվեն Անդրադեի ունեցվածքի մնացած մասի վաճառքի համար, որ բռնագրավվել է ԱՄՆ իշխանությունների կողմից, ներառյալ՝ Փալմ Բիչ բացառիկ շրջանում գտնվող առանձնատները, երկու ֆերմաները, տասը ավտոմեքենաները եւ երեսունհինգ դիզայներական ժամացույցները։