Գուայդոն կոչ է արել միջազգային հանրությանը՝ դիմել «ցանկացած միջոցի»` Մադուրոյին իշխանությունից հեռացնելու համար
Վենեսուելայի ընդդիմության առաջնորդ Խուան Գուայդոն, որին Միացյալ Նահանգներն ու մի շարք այլ երկրներ ճանաչել են երկրի ժամանակավոր նախագահ, կոչ է արել միջազգային հանրությանը՝ դիմել «ցանկացած միջոցի»` նախագահ Նիկոլաս Մադուրոյին իշխանությունից հեռացնելու համար:
Գուայդոյի կոչը հնչել է, երբ նախօրեին Մադուրոյին ենթարկվող ոստիկանական ու ռազմական ուժերը ձախողել են ամերիկյան մարդասիրական օգնությունը Վենեսուելա հասցնելու փորձերը:
Գուայդոն և աջակիցներն անձամբ են մեկնել Կոլումբիայի հետ սահման, որտեղ, սակայն, նրանց են դիմավորել վենեսուելացի ուժայինները։ Բախումների հետևանքով երկու մարդ զոհվել է, ավելի քան երեք հարյուրը` վիրավորվել:
Վենեսուելան 2014-ից գտնվում է տնտեսական ու ներքաղաքական ճգնաժամի մեջ, ու թեև բնակչության մեծ մասն օգնության կարիք ունի, նախագահ Նիկոլաս Մադուրոն թույլ չի տալիս, որ այն երկիր մտնի` կոչ անելով Վաշինգտոնին՝ դրա փոխարեն վերացնել իր վարչակազմի դեմ սահմանված պատժամիջոցները:
Ընդդիմության առաջնորդն, որ այժմ գտնվում է Կոլումբիայում, Թվիթերում գրել է, թե պատրաստվում է առաջիկա օրերին հանդիպել իրեն աջակցող երկրների պաշտոնյաներին: «Երկրի ազատագրման համար անհրաժեշտ է համակարգել ներքին ու արտաքին ճնշումները», - գրել է նա:
Ակնկալվում է, որ վաղը նա կհանդիպի ԱՄՆ փոխնախագահ Մայք Փենսի հետ: Ավելի վաղ պետքարտուղար Մայք Փոմփեոն հայտարարել էր, որ Վաշինգտոնը միջոցներ կձեռնարկի նրանց դեմ, ովքեր խոչընդոտում են «ժողովրդավարության վերականգնմանը Վենեսուելայում»:
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Գարեգին Երկրորդի եղբոր կալանքը 2 ամսով երկարաձգվեց
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Կլիմայական փոփոխությունների պատճառով` սպիտակ արջերը ավելի գեր եւ ավելի առողջ են դարձել