Հայտնիներ, որոնք չեն թաքցնում պլաստիկ վիրահատությունների ենթարկվելու փաստը (լուսանկարներ)

Հաճախ է պատահում, երբ հայտնիները գաղտնի են պահում պլաստիկ միջամտությունների փաստը՝ վստահեցնելով, որ իրենց գեղեցիկ արտաքինն առողջ ապրելակերպի արդյունք է: Անյուամենայնիվ, նրանց շարքում քիչ չեն այնպիսի կանայք, որոնք խոստովանում են, որ ստիպված են եղել հանուն երիտասարդության ու գեղեցկության դիմել բժիշկների ու կոսմետոլոգների օգնությանը:

AdMe.ru կայքը ներկայացրել է այն հայտնիների ցանկը, որոնք հրապարակայնորեն խոստովանել են պլաստիկ վիրահատությունների ենթարկվելու փաստը:

Ստորև ներկայացնում ենք նրանցից մի քանիսին.

Բրիթնի Սփիրս

Հանրահայտ երգչուհին չի թաքցնում, որ սեփական պլաստիկ վիրաբույժն ունի: Բոլոր հնարավոր միջամտություններից երգչուհին խոստովանել է միայն շուրթերի ծավալի մեծացումը ֆիլերների միջոցով:

Քրիսի Թեյգեն

Ամերիկացի մոդելը պատմել է Twitter-ի իր հետևորդներին, որ իր մարմնի վրա, բացի այտերից, ոչինչ բնական չէ: Ավելի ուշ պարզվել է, որ դա կատակ է և որ միակ վիրահատական միջամտությունը, որին Թեյգենը դիմել է, թևատակերի լիպոսակցիան է:

Վիկտորյա Բեքհեմ

Բեքհեմն արհեստականորեն մեծացրել է կրծքերը, սակայն ավելի ուշ զղջացել է և խորհուրդ է տալիս երիտասարդ կանանց հանուն նորաձևության չփոխել սեփական մարմնի կառուցվածքը:

Թայրա Բենքս

Թոփ մոդելը կարիերայի սկզբում քթի վիրահատության է ենթարկվել:

Քլոե Քարդաշյան

Քլոեն խոստովանել է, որ ֆիլերների միջոցով դեմքի կոնտուրային պլաստիկա է իրականացրել, սակայն գոհ չի եղել արդյունքից և շտապել է ազատվել ֆիլերներից:

Գվինեթ Փելթրոու

Դերասանուհու խոսքով՝ ինքն ամեն ինչ փորձել է, բացի վիրահատությունից, մասնավորապես՝ նա բոտոքսի միջոցով կոնտուրային պլաստիկայի է դիմել:

Իգգի Ազալիա

Հիփ-հոփ երգչուհին չի թաքցնում, որ մեծացրել է կրծքերը: Նրա քթի և կզակի ձևը նույնպես փոփոխվել են:


Ջենիֆեր Էնիսթոն

Հոլիվուդյան դերասանուհին ուղղել է քթի միջնապատը և բարելավել քթի ձևը:

Շեր

Շերը բացահայտ հայտարարել է քթի ու կրծքերի վիրահատության, ինչպես նաև դեմքի մաշկի ձգման մասին:

Նիկոլ Քիդման

Դերասանուհուն բազմաթիվ պլաստիկ վիրահատություններ են վերագրում, որոնցից Քիդմանը խոստովանել է միայն դեպքի կոնտուրային պլաստիկան: