«Թուրքիան մեր բարեկամը չէ». ամերիկացի կոնգրեսականը կոչ է արել ճանաչել Հայոց ցեղասպանությունը (տեսանյութ)
Ամերիկացի կոնգրեսական Բրեդ Շերմանն ԱՄՆ Ներկայացուցիչների պալատի միջազգային հարցերով հանձնաժողովի նիստի ժամանակ բարձրացրել է Դոնալդ Թրամփի վարչակազմի կողմից Հայոց ցեղասպանության ճանաչման հարցը, այս մասին տեղեկանում ենք ԱՄՆ Հայ դատի հանձնախմբի (ANCA) թվիթերյան պաշտոնական էջից:
Կոնգրեսականը, մասնավորապես, անդրադարձել է վենեսուելական ճգնաժամի հարցում Թուրքիայի վարած քաղաքականությանն ու հայտարարել՝ Թուրքիան ԱՄՆ-ի բարեկամը չէ:
«Մեզ ասում էին, որ Թուրքիան մեր բարեկամն է, և դրա համար պետք է աչք փակել պատմության վրա, Հայոց ցեղասպանության վրա: Կարո՞ղ եք արդյոք համապատասխան աշխատանք տանել վարչակազմի ներսում՝ հասկացնելու նրանց, որ Թուրքիան մեր բարեկամը չէ», -դիմելով Վենեսուելայում Թրամփի հատուկ պատվիրակ Էլիոթ Աբրամսին՝ ասել է Շերմանը:
Նա կոչ է արել, որ նախագահի վարչակազմը հրապարակային հայտարարություն անի այն մասին, որ դեմ չէ Կոնգրեսի միջազգային հարցերով հանձնաժողովում նախաձեռնված բանաձևին, որն ուղղված է Հայոց ցեղասպանության ճանաչմանը:
Հիշեցնենք, որ Վենեսուելայում հունվարի 23-ից բողոքի զանգվածային ցույցեր են ընթանում երկրի նախագահ Նիկոլաս Մադուրոյի դեմ: Ցուցարարները պահանջում են վերջինիս հրաժարականը և երկրում սահմանադրական կարգերի վերահաստատում: Քաղաքական լարված իրավիճակի ֆոնին երկրի ընդդիմադիր խորհրդարանի առաջնորդ Խուան Գուաիդոն իրեն նախագահի ժամանակավոր պաշտոնակատար է հռչակել: ԱՄՆ-ն և մի շարք երկրներ ճանաչել են վերջինիս իշխանությունը, մինչդեռ Ռուսաստանը, Չինաստանը և այլ պետություններ աջակցում են Մադուրոյին:
Տեսանյութը՝ այստեղ
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...