Եվրոպայում շարունակվում է «ձյան քաոսը»
Կենտրոնական Եվրոպայում սաստիկ ցուրտ ու տեղումնառատ ձմեռ է, ինչին ծավալուն ֆոտոշարքով անդրադարձել է բրիտանական Daily Mail պարբերականը:
Մասնավորապես՝ Ավստրիայում սպասվում է, որ ձյան շերտի բարձրությունը կգերազանցի 3 մետրը: Առհասարակ, այս տարվա հունվարը, ի տարբերություն մյուս տարիների հունվարների, անհամեմատ ավելի ձնառատ է:
Առատ տեղումների հետևանքով Ալպերում փակվել է 450 դահուկային ճոպանուղի: Հայտնի է, որ Ալպերի ամենաբարձր զառիթափերի վրա ձյան ծածկի բարձրությունն ավելացել է ավելի քան 3 մ-ով:
Ցուրտ եղանակը հասել է նաև Հունաստան, որտեղ օդի ջերմաստիճանը նվազել է մինչև -23 աստիճան, առատ ձյուն է տեղացել:
Աղբյուրը մանրամասնում է, որ ձյան հետևանքով Կենտրոնական Եվրոպայում գրանցվել է 14 զոհ. նրանց մի մասը մնացել է ձնահյուսի տակ:
Ավստրիայի իշխանությունները հայտարարել են, որ առաջիկա օրերին սպասվում են չափազանց մեծ ու վտանգավոր ձնահյուսեր:
Նույնպիսի իրավիճակ է նաև Գերմանիայի հյուսիսում: Մասնավորապես՝ բավարական Բերխտեսգադեն համայնքն առատ ձյան պատճառով կտրվել է արտաքին աշխարհից, ինչի հետևանքով բնակիչներին բեռնատարներով է սնունդ բերվել:
Մինչդեռ Գերմանիայի հարավում փակվել են բազմաթիվ դպրոցներ, ճանապարհներն արգելափակվել են՝ առաջացնելով մի քանի կմ երկարությամբ խցանումներ:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...