Ամերիկյան հոկեյի ակումբի երկրպագուները ռեկորդային քանակով խաղալիքներ են նետել սառույցին. (տեսանյութ)

ԱՄՆ Փենսիլվանյա նահանգում հոկեյի «Հերշի Բեյրս» ակումբի երկրպագուները մոտ 35 հազար փափուկ խաղալիք են նետել սառույցին` Teddy bear toss ավանդական բարեգործական ակցիայի շրջանակում:

 Teddy bear toss-ը ամենամյա սուրբծննդյան ակցիա է: Երկրպագուներն իրենց թիմի` տարվա վերջին խաղին գալիս են փափուկ խաղալիքներով և դրանք նետում են սառույցին այն պահին, երբ իրենց թիմը խփում է առաջին գոլը:

 Այնուհետև, բոլոր խաղալիքները հավաքում և նվիրաբերում են մանկատներին, դպրոցներին, եկեղեցիներին և բարեգործական հիմնադրամներին: 

Այս անգամ սառույցին է հայտնվել 34, 798 խաղալիք, ինչը համաշխարհային նոր ռեկորդ է: Մինչ այս երեխաների համար ամենից շատ խաղալիքները հավաքել էր կանադական «Կալյարի Հիթմենը» 2015 թվականին. այդ ժամանակ երկրպագուները մոտ 29 հազար խաղալիք էին նվիրաբերել: 

Նշենք` «Հերշի Բեյրսը» տարվա վերջին խաղն անցկացրել է դեկտեմբերի 2-ին` հոկեյի ամերիկյան լիգայի շրջանակում «Բինգմենթոն Դեվիլզի» հետ: Այն կայացել է «Հերշի Բեյրսի» տնային` Giant Center արենայում: Տանտերերը 6:3 հաշվով հաղթանակ են տարել: