Ավելի քան 400 ապօրինի միգրանտներ կարողացել են Մեքսիկայից ԱՄՆ անցնել
Ավելի քան 400 միգրանտներ, առանց համապատասխան փաստաթղթերի, կարողացել են Էլ Պասո շրջանում Մեքսիկայից ԱՄՆ անցնել, հայտնում է Notimex գործակալությունը՝ վկայակոչելով ԱՄՆ սահմանպահ պարեկախմբին:
Գործակալության տեղեկություններով՝ նրանք հանձնվել են ամերիկյան իշխանություններին ապաստան հայցելու նպատակով: Նրանց մեջ կան կանայք եւ երեխաներ:
Ինչպես հայտնել է Էլ Պասոյում սահմանապահ պարեկախմբի ներկայացուցիչը, դեռեւս հայտնի չէ՝ այս մարդիկ արդյոք Կենտրոնական Ամերիկայից միգրանտների քարավանի՞ց են, որոնք հոկտեմբերից Մեքսիկայի տարածքով դեպի սահման էին գնում:
Մեքսիկայի Միգրացիայի ազգային ինստիտուտի տնօրենը հայտնել է, որ ներկայումս մեքսիկական Տիխուանայի շրջանում ստեղծված միգրանտների միայն նոր ճամբարում է գտնվում շուրջ 2,5 հազար մարդ: Նա նշել է, որ միգրանտներից ոմանք ինքնուրույն որոշել են հայրենիք վերադառնալ: Իսկ նոր ճամբար տեղափոխվելուց հրաժարված այլ միգրանտներ իշխանությունների տեսադաշտից անհետացել են: Նախկինում այս շրջանում միգրանտների թիվը կազմում էր 6 հազար:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
Մի շարք հասցեներում լույս չի լինի
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Գարեգին Երկրորդի եղբոր կալանքը 2 ամսով երկարաձգվեց
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Իրանում վերականգնվել է ինտերնետային կապը
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ