Թրամփը ցանկանում է չեղարկել քաղաքացիության մասին սահմանադրության լրամշակումը

ԱՄՆ նախագահ Դոնալդ Թրամփն ասել է, որ մտադիր է արձակել վարչական հրամանագիր, որով չեղարկվելու է քաղաքացի չհանդիսացող մարդկանց երեխաներին, ինչպես նաև ԱՄՆ տարածքում ապօրինի բնակվողների ընտանիքներում ծնված երեխաներին ամերիկյան քաղաքացիություն շնորհելու սահմանադրական իրավունքը:

Ամերիկյան սահմանադրության 14-րդ լրամշակումն ամերիկյան քաղաքացիության իրավունք է տալիս ԱՄՆ տարածքում ծնված ցանկացած երեխայի:

HBO հեռուստակայանի Axios հաղորդաշարի թղթակցին տված հարցազրույցում Թրամփն ասել է, որ մոտ ապագայում կստորագրի այդ հրամանագիրը:

«Մենք աշխարհում միակ երկիրն ենք, որտեղ մարդը կարող է գալ, երեխա ունենալ, և այդ երեխան կստանա քաղաքացիություն ու դրա հետ կապված բոլոր առավելությունները»,- ասել է Թրամփը և ավելացրել.- «Դա ծիծաղելի է, պարզապես ծիծաղելի է, դրան պետք է վերջ տալ»:

Մեկնաբանելով այն հարցը, թե որքանով նման հրամանագիրը կհամապատասխանի օրենքին, նախագահն ասել է, թե կա կարծիք, որ դա կարելի է անել վարչական հրամանագրի միջոցով:

Իրավունքի հարցերով մասնագետները նշում են, որ եթե Թրամփն արձակի նման հրամանագիր՝ երկրում կհարուցվեն դատական բազում գործեր այն հարցի շուրջ, թե արդյո՞ք նախագահն ունի հրամանագրով սահմանադրական լրամշակում վերանայելու իրավունք:

ԱՄՆ-ում նոյեմբերի 6-ին կայանալիք միջանկյալ ընտրություններից առաջ թեժացել է հանրային բանավեճը ներգաղթի քաղակականությունը կտրուկ խստացնելու հարցի շուրջ:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման