Վրաստանի նախագահական ընտրություններին կմասնակցի 25 թեկնածու

Վրաստանի նախագահական ընտրություններին, որոնք նախատեսված են հոկտեմբերի 28-ին, կմասնակցի 25 թեկնածու, հայտնում է ՌԻԱ Նովոստի գործակալությունը՝ երկրի կենտրոնական ընտրական հանձնաժողովին հղումով:

ԿԸՀ տվյալների համաձայն՝ թեկնածուների գրանցումն ավարտվել է, նախագահական աթոռի համար կպայքարի 25 թեկնածու, որոնցից 19-ն առաջադրվել են քաղաքական կուսակցությունների, իսկ 6-ը՝ նախաձեռնող խմբերի կողմից:

Նախագահական ընտրություններին մասնակցելու ցանկություն էր հայտնել 46 մարդ, որից 21-ի թեկնածության գրանցումը մերժվել է:

Նախագահական ընտրություններին կմասնակցեն նախկին ԱԳ նախարար Սալոմե Զուրաբիշվիլին, ևս մի նախկին ԱԳ նախարար, միացյալ ընդդիմությունից Գրիգոլ Վաշաձեն, Լեյբորիստական կուսակցության առաջնորդ Շալվա Նաթելաշվիլին, այլք:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք