«100%-ով արտադրված է Իրանում». Թեհրանը ներկայացրել է սեփական արտադրության առաջին կործանիչը

Իրանն օգոստոսի 21-ին Թեհրանում կայացած ավիացուցահանդեսի ժամանակ ներկայացրել է սեփական արտադրության առաջին կործանիչը՝ «Քովսար»-ը, որի օդաչուի խցիկում նստած է եղել երկրի նախագահ Հասան Ռոհանին:

Ինչպես նշում է Al Arabiya-ն՝ երկրի պաշտպանության նախարար Ամիր Հաթամիին հղումով, կործանիչը մինչ այս բարեհաջող փորձարկվել էր, իսկ այսօր կայացել է դրա առաջին ցուցադրական թռիչքը:

Նա ընդգծել է, որ կործանիչը համալրված է առաջադեմ տեխնոլոգիաներով, բազմանպատակ ռադարով: Պաշտպանության նախարարի խոսքով՝ կործանիչի բոլոր դետալները 100%-ով արտադրված են Իրանում:

Պաշտոնյան հավելել է, որ երկրի իշխանությունների համար առաջնահերթությունների շարքում է երկրի հրթիռային ծրագրի զարգացումը:

Նոր կործանիչը ներկայացվել է Թեհրանի ու Վաշինգտոնի միջև գերլարված հարաբերությունների ֆոնին: ԱՄՆ նախագահ Դոնալդ Թրամփն «իրանական ռեժիմից» պահանջում է սառեցնել հրթիռային ծրագիրը, ինչին Իրանը կտրուկ դեմ է:

 ԱՄՆ-ն օգոստոսին նոր պատժամիջոցներ է սահմանել իսլամական հանրապետության դեմ՝ ցանկանալով տնտեսապես մեկուսացնել Իրանին:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում