Վազգեն Թեւանյանը հաղթեց ադրբեջանցի ըմբիշի եւ դարձավ Եվրոպայի երիտասարդական չեմպիոն
Հայաստանը ներկայացնող Վազգեն Թեւանյանը դարձավ ազատ ոճի ըմբշամարտի Եվրոպայի երիտասարդական չեմպիոն:
Իտալիայի մայրաքաղաք Հռոմում ավարտին մոտեցող ըմբշամարտի Եվրոպայի երիտասարդական առաջնության 61 կգ քաշային կարգի եզրափակիչում հայ ըմբիշը 5:2 հաշվով հաղթեց ադրբեջանցի Ինտիհամ Վալիզադային:
Նախօրեին Վազգեն Թեւանյանը 2 հաղթանակով (7:1, 12:0) մեկնարկելուց հետո դուրս էր եկել կիսաեզրափակիչ, որտեղ 8:1 հաշվով վստահ հաղթանակ էր տարել Ֆրանսիան ներկայացնող Արման Էլոյանի նկատմամբ: Արման Էլոյանը պարտություն է կրել նաեւ բրոնզե մեդալի համար գոտեմարտում:
Օգոստոսի 5-ին Եվրոպայի երիտասարդական չեմպիոնի կոչման համար գոտեմարտելու է նաեւ Հովհաննես Մաղաքյանը (125 կգ), որի մրցակիցը կլինի ուկրաինացի Յուրի Իդզինսկին:
Այսօր բրոնզե մեդալի համար գոտեմարտեր անցկացրին Հայաստանը ներկայացնող Հրայր Ալիխանյանը (74 կգ) եւ Մհեր Մարկոսյանը (86 կգ), որոնք հաջողության չհասան:
Հրայր Ալիխանյանը սփոփիչ գոտեմարտում 18:8 հաշվով հաղթեց ուկրաինացի Եվգենի Դուբովիին, սակայն բրոնզե մեդալի համար պայքարում 5:10 հաշվով պարտություն կրեց ադրբեջանցի Իսմայիլ Աբդուլաեւից:
Մհեր Մարկոսյանը սփոփիչ գոտեմարտում 2:1 հաշվով ուժեղ գտնվեց ադրբեջանցի Իսլամ Իլյասովից, իսկ բրոնզե մեդալի համար գոտեմարտում 4:8 հաշվով պարտվեց վրացի Դեմուր Մեգենիշվիլուն:
Հիշեցնենք, որ նախօրեին ազատ ոճի ըմբշամարտի Հայաստանի թիմը նվաճել էր մեկ ոսկե եւ 2 բրոնզե մեդալ: Եվրոպայի երիտասարդական չեմպիոնի տիտղոսը նվաճել էր 57 կգ քաշային Արսեն Հարությունյանը, իսկ Գեղամ Գալստյանը (65 կգ) եւ Արման Անդրեասյանը (70 կգ) դարձել էին բրոնզե մեդալակիր: Արման Ավագյանը (79 կգ) եւս գոտեմարտել էր բրոնզե մեդալի համար, սակայն ժամանակից շուտ 2:14 հաշվով պարտվել էր ուկրաինացի Ալդլան Բատաիեւին:
Հունահռոմեական ըմբշամարտի Հայաստանի երիտասարդական հավաքականը Եվրոպայի առաջնությունում ելույթն ավարտել էր 1 ոսկե եւ 4 բրոնզե մեդալով՝ թիմային հաշվարկում գրավելով երրորդ տեղը: Հունահռոմեական ըմբիշներից Եվրոպայի երիտասարդական չեմպիոն էր դարձել 55 կգ քաշային Տիգրան Մինասյանը: Կանանց մրցաշարում Հայաստանի միակ ներկայացուցիչ Ժենյա Խաչատրյանն անհաջող էր հանդես եկել 59 քաշային կարգում:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...